by ASPIRE-AT Programmeការប្រមូលផលបន្លែក្នុងផ្ទះសំណាញ់ របស់សមាជិកបណ្ដុំអាជីវកម្មបន្លែសុវត្ថិភាព ឃុំព្រះប្រសប់ | ខេត្តកណ្តាល
កម្មវិធី ASPIRE ខេត្តកណ្តាល៖
ការប្រមូលផលបន្លែក្នុងផ្ទះសំណាញ់ របស់សមាជិកបណ្ដុំអាជីវកម្ម ឃុំព្រះប្រសប់
ថ្ងៃអង្គារ ៥កើត ខែស្រាពណ៍ ឆ្នាំខាល ចត្វាសក័ ព.ស. ២៥៦៦ ត្រូវនឹងថ្ងៃទី២ ខែសីហា ឆ្នាំ ២០២២
ក្រុមការងារទីផ្សារកម្មវិធី ASPIRE និងមន្ត្រីការិយាល័យកសិកម្ម ធនធានធម្មជាតិ និងបរិស្ថានស្រុក ខ្សាច់កណ្ដាល រួមនឹងលោក ឡាំង ហាំងឡេង ភ្នាក់ងារផ្សព្វផ្សាយប្រចាំឃុំព្រះប្រសប់ បានធ្វើការចុះតាមដាន និងជំរុញការផលិតបន្លែសុវត្ថិភាព សម្រាប់ផ្គត់ផ្គង់លើទីផ្សាររបស់កសិករជាសមាជិកក្នុងបណ្ដុំអាជីវកម្មបន្លែសុវត្ថិភាព ឃុំព្រះប្រសប់។
ជាលទ្ធផល លោកស្រី វ៉ែន សៀក កសិករមកពីភូមិព្រះប្រសប់ ឃុំព្រះប្រសប់បានដាំដំណាំក្នុងផ្ទះសំណាញ់នូវដំណាំបន្លែស្លឹក (ស្ពៃក្រញាញ់) បានដាំចំនួន ៥ រង ដែលមានបណ្ដោយ ១៥ម៉ែត្រ និងទទឹង ៣ ម៉ែត្រ រីឯផ្ទៃដីផ្សេងទៀត បានដាក់ដាំស្ពៃក្តោប (អាចប្រមូលផលក្នុងចុងខែសីហា) ។ ផលស្ពៃក្រញ៉ាញ់ប្រមូលបាន មានចំនួន ១៦៥ គីឡូក្រាម លក់បានក្នុងតម្លៃ៣៥០០៛/គ.ក លក់ឱ្យក្រុមហ៊ុនតាមកិច្ចសន្យា ។
