កាលពីថ្ងៃច័ន្ទ ៤កេីត ខែស្រាពណ៌ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១ ខែសីហា ឆ្នាំ២០២២ ភ្នាក់ងារផ្សព្វផ្សាយឃុំកន្រ្ទាំង នៃកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ (ASPIRE) បានចុះពិនិត្យតាមដានវឌ្ឍនភាព ការដាំដុះបន្លែក្នុងផ្ទះសំណាញ់របស់កសិករ ពៅ ប្រម ដែលជាសមាជិកបណ្តុំអាជីកម្មបន្លែសុវត្ថិភាពតាត្រាវត្រពាំងថ្នល់ជោគជ័យស្រ្តីសាមគ្គី ដែលមានទីតាំងស្ថិតនៅភូមិត្រពាំងថ្នល់ និងភូមិតាត្រាវឃុំកន្រ្ទាំង ឃេីញថា គាត់បានដាំដុះបន្លែស្លឹក (ស្ពៃចង្កឹះ) ចំនួន៥រោង ស្មេីនឹងផ្ទៃដី ២៥០ម៉ែត្រការេ ដែលនឹងគ្រោងប្រមូលផលនៅពាក់កណ្កាលខែ សីហានេះ។ ចំពោះកសិករផ្ទះសំណាញ់ទាំង៤ផ្សេងទៀតក្នុងឃុំកន្រ្ទាំង កំពុងតែរៀបចំភ្ជួរហាលដី ដេីម្បីដាំដុះបន្លែជាបន្តបន្ទាប់ពីបានប្រមូលផលអស់កាលពីខែកក្កដា។