by ASPIRE-AT Programmeការប្រមូលផលបង្កងនាំចេញទៅទីផ្សារក្នុងស្រុក ខេត្តឧត្តរមានជ័យ
កម្មវិធី ASPIRE ខេត្តឧត្តរមានជ័យ ៖
“ការប្រមូលផលបង្កងនាំចេញទៅទីផ្សារក្នុងស្រុក”
===============================
នាថ្ងៃពុធ ២កើត ខែជេស្ឋ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី១ ខែមិថុនា ឆ្នាំ២០២២
ខណ្ឌរដ្ឋបាលជលផល សហការជាមួយមន្ត្រីទទួលបន្ទុកកម្មវិធី ASPIRE ប្រចាំស្រុកត្រពាំងប្រាសាទ និងភ្នាក់ងារផ្សព្វផ្សាយឃុំ ព្រមទាំង ទីប្រឹក្សាកម្មវិធី បានចុះពិនិត្យវឌ្ឍនភាពការប្រមូលផលបង្កង និងបង្កើនបរិមាណផលិតសម្រាប់ផ្គត់ផ្គង់ទីផ្សារ ដល់សមាជិកបណ្ដុំអាជីវកម្មបង្កង ជារួមមាន៖
(១).លោក ឃុំ ឃុន (២).លោក ជួប អាន (៣).លោក ថោង សារឿន និង (៤).លោក វ៉ាត សុភ័ណ ស្ថិតក្នុងភូមិអូរស្វាយ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ។
ជាលទ្ធផល៖ ក្នុងមួយថ្ងៃសមាជិកអាចលក់(ផ្គត់ផ្គង់) បង្កងសាច់មេ និងកូន បានចំនួន ២០គក ដោយក្នុង ១គីឡូ តម្លៃ ១២០,០០០រៀល(៣០$) ។
សម្រាប់ផែនការបន្ទាប់៖ ក្រុមការងារបានបន្តបង្កើនការផលិត និងកៀរគរអ្នកបញ្ជាទិញ ទាំងក្នុងនិងក្រៅស្រុក ប្រកបដោយនិរន្តរភាព រវាងកសិករផលិត និងអ្នកបញ្ជាទិញ។
