កម្មវិធី ASPIRE-AT ខេត្តត្បូងឃ្មុំ៖

——————-

ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ បានរៀបចំកម្មវិធីចែករំលែកបទពិសោធន៍ និងចំណេះដឹងអំពីផលិតកម្មមាន់ស្រែ ពីកសិករនាំមុខ លោក ពឿន ពេត ទៅសមាជិកសហគមន៍កសិកម្មពពេលមានជ័យ នៅភូមិទួលចាន់ ឃុំពពេល ស្រុកពញាក្រែក ដែលមានអ្នកចូលរួមសរុប ៥៤នាក់ (ស្រី ២៣នាក់)។

នៅក្នុងវេទិកានេះ លោក ពឿន ពេត បានចែករំលែក និងបានដឹកនាំការអនុវត្តជាក់ស្តែងដោយផ្តោតលើ៖ (១)-ការជ្រើសរើសទីតាំងសម្រាប់ធ្វើទ្រុងចិញ្ចឹមមាន់ (២)-ការជ្រើសរើសពូជមាន់ (៣)-ការធ្វើវ៉ាក់សាំងកូនមាន់ អាយុពី ១ថ្ងៃដល់២១ថ្ងៃ (៤)-ការលាយផ្សំចំណីមាន់សាច់ និង (៥)-ការថែទាំកូនមាន់ និងមាន់សាច់។