by ASPIRE-AT Programme, David Kimboសហគមន៍កសិកម្មបន្លែចម្រុះឃុំព្រែកអំបិល នៅភូមិអន្លង់តាសេកលើ ឃុំព្រែកអំបិល ស្រុកស្អាង ខេត្តកណ្ដាល
កម្មវិធី ASPIRE-AT ខេត្តកណ្ដាល៖
——————-
ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្តកណ្ដាល បានទៅកាន់សហគមន៍កសិកម្មបន្លែចម្រុះឃុំព្រែកអំបិល នៅភូមិអន្លង់តាសេកលើ ឃុំព្រែកអំបិល ស្រុកស្អាង ដោយជួបជាមួយថ្នាក់ដឹកនាំ និងសមាជិកសហគមន៍កសិកម្ម ដើម្បីធ្វើការផ្ទៀងផ្ទាត់ទិន្នន័យ និងពិនិត្យមើលដំណើរការផលិត និងប្រមូលផលបន្លែរបស់សមាជិកសហគមន៍។
ជាលទ្ធផល៖
– ពិភាក្សា និងប្រមូលព័ត៌មានអំពីដំណើរសហគមន៍កសិកម្មដែលបានអនុវត្តក្នុងឆ្នាំ ២០២៤
– ពិភាក្សាលើការជំរុញដំណើរការមុខរបរ/អាជីវកម្មសហគមន៍កសិកម្មក្នុងឆ្នាំ ២០២៥
– ពិនិត្យ និងផ្ទៀងផ្ទាត់បណ្ណ័សមធម៌ (បណ្ណ័ក្រីក្រ) សម្រាប់សមាជិកសហគមន៍ចំនួន ៦រូប (ស្រី ៣នាក់) ក្នុងសហគមន៍
– ចុះមើលការប្រមូលផលខ្ទឹមស្លឹក និងការជ្រើសរើសខ្ទឹមស្លឹកទុកពូជធ្វើវគ្គបន្ទាប់ ដែលសព្វថ្ងៃនេះ ខ្ទឹមស្លឹកមានតម្លៃ ៣៥០០៛/គ.ក លក់នៅចម្ការដែលឈ្មួញចុះដកផ្ទាល់ និងមានតម្លៃលើសនេះសម្រាប់ខ្ទឹមដែលម្ចាស់ចម្ការរៀបចំសម្អាត និងវេចខ្ចប់បានរួចរាល់។ ទិន្នផលលក់ប្រចាំថ្ងៃចន្លោះពី ៨០០គ.ក/ថ្ងៃ ទៅ ១០០០គ.ក/ថ្ងៃ
– ពិនិត្យមើលលើដំណើរការផលិតកម្មបន្លែរបស់សមាជិកសហគមន៍។
