កម្មវិធី ASPIRE-AT ខេត្តសៀមរាប៖

——————-

ក្រុមការងារកម្មវិធី ASPIRE-AT នៃមន្ទីរកសិកម្ម រុក្ខាប្រមាញ់ និងនេសាទខេត្ត បានរៀបចំមហាសន្និបាតបង្កើតសហគមន៍កសិកម្ម ស្ថិតក្នុងបរិវេណសាលាឃុំបឹងមាលា ស្រុកស្វាយលើ ដោយមានការចូលរួមដោយ លោក ភឿក ប៊ុនសុង អភិបាលរងស្រុកស្វាយលើ លោក ប៉ែន ប៊ុនធឿន អនុប្រធានមន្ទីរកសិកម្ម រុក្ខាប្រមាញ់ និងនេសាទ លោកប្រធានការិយាល័យកសិកម្ម ធនធានធម្មជាតិ និងបរិសា្ថនស្រុកស្វាយលើ សមាជិកក្រុមប្រឹក្សាឃុំ មេភូមិ សមាជិក និងកសិករស្ម័គ្រចិត្តចូលរួមសរុបចំនួន ៥៧នាក់ (ស្រី ២៥នាក់)។

លទ្ធផលមហាសន្និបាតបានអនុម័ត ដូចខាងក្រោម៖

• កំណត់ឈ្មោះសហគមន៍កសិកម្មថា “សហគមន៍កសិកម្មបឹងមាលាជោគជ័យ”
• បោះឆ្នោតជ្រើសរើសបានក្រុមប្រឹក្សាភិបាលចំនួន ០៥រូប
• បោះឆ្នោតជ្រើសរើសបានគណៈកម្មការត្រួតពិនិត្យចំនួន ០៣រូប
• កំណត់យកទីតាំងស្ថិតក្នុងភូមិទឹកលិច ឃុំបឹងមាលា ស្រុកស្វាយលើ ជាទីស្នាក់ការបណ្ដោះអាសន្នរបស់សហគមន៍ថ្មី
• មុខរបររបស់សហគមន៍មាន៖ ផ្គត់ផ្គង់ធាតុចូល ទីផ្សារកសិកម្ម និងឥណទានខ្នាតតូច ។ល។
• អនុម័តប្រាក់ភាគហ៊ុន ៣០,០០០៛/ហ៊ុន និងប្រាក់សមាជិកភាព ៥,០០០៛/គ្រួសារ
• ការបែងចែកប្រាក់ចំណេញសុទ្ធ៖

√មូលនិធិបម្រុង ២០%

√មូលនិធិបណ្តុះបណ្តាល ៣%

√មូលនិធិលើកទឹកចិត្តថ្នាក់ដឹកនាំ ១៥%

√មូលនិធិលើកទឹកចិត្តសមាជិក ២%

√មូលនិធិសង្គម ២%

√មូលនិធិអភិវឌ្ឍសហគមន៍ ៨%

√ប្រាក់បែងចែកភាគលាភសមាជិក ៥០%។