កម្មវិធី ASPIRE-AT ខេត្តបន្ទាយមានជ័យ​៖

——————-

ក្រុមការងារកម្មវិធី ASPIRE-AT នៃមន្ទីរកសិកម្ម រុក្ខាប្រមាញ់ និងនេសាទខេត្ត បាន

១).ផ្សព្វផ្សាយអំពីកម្មវិធី ASPIRE-AT និងគោលគំនិតស្ដីពីសហគមន៍កសិកម្ម ព្រមទាំងសហគមន៍កសិកម្មទំនើប ដល់បណ្ដុំអាជីវកម្មបន្លែ ស្ថិតនៅឃុំរលួស ស្រុកស្វាយចេក មានអ្នកចូលរួមសរុប ២៤នាក់ (ស្រី ១៥នាក់)។

មានរបៀបវារៈដូចខាងក្រោម៖

    – ផ្សព្វផ្សាយអំពីគោលការណ៍គាំទ្ររបស់កម្មវិធី ASPIRE-AT

    – ហេតុអ្វីបានជាកសិករចាំបាច់បង្កើតសហគមន៍កសិកម្ម?

    – គោលបំណងនៃការបង្កើតសហគមន៍កសិកម្ម

    – អ្វីទៅជាសហគមន៍កសិកម្ម?

    – អត្ថប្រយោជន៍នៃការចូលជាសមាជិកសហគមន៍កសិកម្ម

    – នីតិវិធីនៃការចូលជាសមាជិកសហគមន៍កសិកម្ម។

លទ្ធផល៖

    – កសិករយល់ដឹងអំពីការផ្សព្វផ្សាយនេះ ៨០%

    – កសិករស្ម័គ្រចិត្តចូលរួមក្នុងការបង្កើតសហគមន៍កសិកម្ម ៦០% នៃចំនួនកសិករចូលរួមសរុប។

២).ជួបប្រជុំ និងសម្របសម្រួលជាមួយបណ្ដុំអាជីវកម្មបន្លែ លើសេចក្តីព្រាងលក្ខន្តិកៈ និងបទបញ្ជាផ្ទៃក្នុងសហគមន៍កសិកម្ម ស្ថិតនៅឃុំពន្លៃ ស្រុកភ្នំស្រុក មានអ្នកចូលរួមសរុប ៣៦នាក់ (ស្រី ២០នាក់)។

មានរបៀបវារៈដូចខាងក្រោម:

    – រលឹកអំពីគោលគំនិតស្ដីពីសហគមន៍កសិកម្ម

    – ពន្យល់អំពីស្លាកសញ្ញាសហគមន៍កសិកម្ម

    – អត្ថប្រយោជន៍នៃការចូលជាសមាជិកសហគមន៍កសិកម្ម

    – ពន្យល់អំពីពាក្យសុំចូលជាសមាជិក

    – ជ្រើសរើសឈ្មោះសហគមន៍កសិកម្ម

    – ពន្យល់អំពីតម្លៃភាគហ៊ុន

    – ពន្យល់អំពីតម្លៃសមាជិកភាព

    – ជ្រើសរើសសមាជិកដើម្បីឈរឈ្មោះបោះឆ្នោតនៅមហាសនិ្នបាតខាងមុខ។