កិច្ចប្រជុំផ្សព្វផ្សាយអំពីទស្សទាន និងគោលគំនិតសហគមន៍កសិកម្ម នៅសាលាឃុំស្រែណូយ ស្រុកវ៉ារិន ខេត្តសៀមរាប
កម្មវិធី ASPIRE-AT ខេត្តសៀមរាប៖
——————-
ក្រុមការងារកម្មវិធី ASPIRE-AT នៃមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប បានប្រជុំផ្សព្វផ្សាយអំពីទស្សទាន និងគោលគំនិតសហគមន៍កសិកម្ម នៅសាលាឃុំស្រែណូយ ស្រុកវ៉ារិន ដោយមានការចូលរួមពីលោកអភិបាលរងស្រុក លោកប្រធានការិយាល័យកសិកម្ម ធនធានធម្មជាតិ និងបរិស្ថានស្រុក សមាជិកក្រុមប្រឹក្សាឃុំ មេភូមិទាំង ៣ និងកសិករសរុប ៣៥នាក់ (ស្រី ១១នាក់)។
លទ្ធផលនៃកិច្ចប្រជុំផ្សព្វផ្សាយគឺផ្តោតលើចំណុចសំខាន់ៗដូចខាងក្រោម៖
១)អ្វីទៅដែលហៅថាសហគមន៍កសិកម្ម
២)ហេតុដូចម្តេចបានជាកសិករចាំបាច់ត្រូវចងក្រងគ្នាជាសហគមន៍កសិកម្ម
៣)គោលបំណងរួមនៃការអភិវឌ្ឍសហគមន៍កសិកម្ម
៤)គោលបំណងជាក់លាក់នៃការបង្កើតសហគមន៍កសិកម្ម
៥)លក្ខណៈពិសេសនៃសហគមន៍កសិកម្ម
៦)លក្ខណៈខុសគ្នារវាងសហគមន៍កសិកម្ម និងក្រុមហ៊ុនឯកជន
៧)គុណតម្លៃ និងគោលការណ៍គ្រឹះរបស់សហគមន៍កសិកម្ម
៨)រចនាសម្ព័ន្ធ និងមុខរបររបស់សហគមន៍កសិកម្ម។
បន្ទាប់ពីកិច្ចប្រជុំផ្សព្វផ្សាយនេះរួច កសិករមានភាពសប្បាយរីករាយ និងមានការយល់ដឹងច្បាស់អំពីផលប្រយោជន៍ នៃការចងក្រងសហគមន៍កសិកម្ម ព្រមទាំងបានសន្យាថានឹងបន្តចូលរួមរហូតបង្កើតបានជាសហគមន៍កសិកម្មផ្លូវការក្នុងមូលដ្ឋាននេះ។
កិច្ចប្រជុំនេះក៏បានសម្រេចយកថ្ងៃទី១៩ ខែមិថុនា ឆ្នាំ២០២៤ ដើម្បីរៀបចំកិច្ចប្រជុំផ្សព្វផ្សាយច្បាប់ស្តីពីសហគមន៍កសិកម្ម និងលិខិតបទដ្ឋានពាក់ព័ន្ធផ្សេងៗទៀត។
![photo_1_2024-06-03_16-03-15](https://i0.wp.com/aspirekh.org/wp-content/uploads/2024/06/photo_1_2024-06-03_16-03-15.jpg?fit=1280%2C722&ssl=1)
![photo_2_2024-06-03_16-03-15](https://i0.wp.com/aspirekh.org/wp-content/uploads/2024/06/photo_2_2024-06-03_16-03-15.jpg?fit=1280%2C722&ssl=1)
![photo_3_2024-06-03_16-03-15](https://i0.wp.com/aspirekh.org/wp-content/uploads/2024/06/photo_3_2024-06-03_16-03-15.jpg?fit=1280%2C722&ssl=1)
![photo_4_2024-06-03_16-03-15](https://i0.wp.com/aspirekh.org/wp-content/uploads/2024/06/photo_4_2024-06-03_16-03-15.jpg?fit=1280%2C722&ssl=1)
![photo_5_2024-06-03_16-03-15](https://i0.wp.com/aspirekh.org/wp-content/uploads/2024/06/photo_5_2024-06-03_16-03-15.jpg?fit=1280%2C722&ssl=1)