វគ្គបណ្តុះបណ្តាលស្តីពីការពង្រឹងសមត្ថភាព និងផ្តល់បច្ចេកទេសដល់សមាជិកនៃបណ្តុំអាជីវកម្មកែច្នៃត្រីប្រឡាក់ នៅភូមិ២ ឃុំកំពេញ ស្រុកស្ទឹងហាវ | ខេត្តព្រះសីហនុ
កម្មវិធី ASPIRE ខេត្តព្រះសីហនុ៖
នាថ្ងៃសុក្រ ៩រោច ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី ២២ ខែកក្កដា ឆ្នាំ ២០២២ លោក ចេង សំណាង ទីប្រឹក្សាគ្រប់គ្រងកម្មវិធី ASPIRE បានសម្របសម្រួលជាមួយការិយាល័យកសិ-ឧស្សាហកម្ម បានបើកវគ្គបណ្តុះបណ្តាលស្តីពីការពង្រឹងសមត្ថភាព និងផ្តល់បច្ចេកទេសដល់សមាជិកនៃបណ្តុំអាជីវកម្មកែច្នៃត្រីប្រឡាក់ នៅភូមិ២ ឃុំកំពេញ ស្រុកស្ទឹងហាវ ខេត្តព្រះសីហនុ។
ដោយមានការអញ្ជើញចូលរួមពីភ្នាក់ងារផ្សព្វផ្សាយឃុំកំពេញ ប្រធាន អនុប្រធាន និងសមាជិកនៃបណ្តុំអាជីវកម្មកែច្នៃត្រីប្រឡាក់។
១). ការផលិតរបស់កសិករ៖ កសិករបណ្តុំអាជីវកម្មបានផលិតត្រីប្រឡាក់ងៀតចំនួន៣ប្រភេទ
(i) ត្រីងៀតដចិន ១គីឡូតម្លៃ៣២,០០០រៀល ទៅ ៣៥,០០០រៀល,
(ii) ត្រីងៀតសេក ឬក្រហម ១គីឡូតម្លៃ ៣០,០០០រៀល ទៅ ៣២,០០០រៀល និង
(iii) ត្រីងៀតចាប់ឆាយ១គីឡូតម្លៃ ២៥,០០០រៀល ទៅ ៣០,០០០រៀល ។ នៅក្នុងរដូវប្រាំងកសិករម្នាក់អាចផលិតបានពី៥០គីឡូក្រាម ទៅ១០០គីឡូក្រាមក្នុងរយៈពេលពីរ ឬបីថ្ងៃ ។
២) បញ្ហា/ការប្រឈមរបស់កសិករ៖ នៅក្នុងរដូវវស្សានេះ កសិករបានជួបការលំបាកដែលសំខាន់សម្រាប់មុខរបរក្រុមគាត់គឺការហាល ឬសំងួតត្រីប្រឡាក់ ដូចនេះបរិមាណនៃការផលិតមានការថយចុះ។
![photo_2022-07-22_16-47-25](https://i0.wp.com/aspirekh.org/wp-content/uploads/2022/07/photo_2022-07-22_16-47-25.jpg?fit=1280%2C960&ssl=1)
![photo_2022-07-22_16-47-26](https://i0.wp.com/aspirekh.org/wp-content/uploads/2022/07/photo_2022-07-22_16-47-26.jpg?fit=1280%2C960&ssl=1)
![photo_2022-07-22_16-47-25 (2)](https://i0.wp.com/aspirekh.org/wp-content/uploads/2022/07/photo_2022-07-22_16-47-25-2.jpg?fit=1280%2C960&ssl=1)
![photo_2022-07-22_16-22-21](https://i0.wp.com/aspirekh.org/wp-content/uploads/2022/07/photo_2022-07-22_16-22-21.jpg?fit=1280%2C960&ssl=1)
![photo_2022-07-22_16-22-20](https://i0.wp.com/aspirekh.org/wp-content/uploads/2022/07/photo_2022-07-22_16-22-20.jpg?fit=1280%2C960&ssl=1)