ក្រុមបេសកកម្មនៃលេខាធិការដ្ឋានកម្មវិធី ASPIRE ការចុះត្រួតពិនិត្យ អគារប្រមូលផ្តុំកសិផល និងផ្តល់សូឡាបូមទឹកដល់សមាជិកបណ្តុំអាជីវកម្ម ដែលគាំទ្រដោយកម្មវិធី ASPIRE | ខេត្តត្បូងឃ្មុំ
កម្មវិធី ASPIRE ខេត្តត្បូងឃ្មុំ៖
នាថ្ងៃព្រហស្បតិ៍ ៨រោច ខែអាសាឍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២១ ខែកក្កដា ឆ្នាំ២០២២ ក្រុមបេសកកម្មនៃលេខាធិការដ្ឋានកម្មវិធី ASPIRE ដឹកនាំដោយលោក ស៊ន វិចិត្រ ប្រធានលេខាធិការដ្ឋានកម្មវិធី ASPIRE សហការី និងមានការចូលរួមពីលោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទ មន្រ្តី និងទីប្រឹក្សាកម្មវិធីថ្នាក់ខេត្ត ក្រុមហ៊ុនផ្គត់ផ្គង់ម៉ាស៊ីនសូឡាបូមទឹកប្រើពន្លឺព្រះអាទិត្យ បានចុះពិនិត្យការដំឡើងម៉ាស៊ីនសូឡាបូមទឹក ចំនួន ០២គ្រឿង ក្នុងភូមិស្មោញ ឃុំល្ងៀង ស្រុកត្បូងឃ្មុំ និងក្នុងភូមិគោកស្រុក ស្រុកតំបែរ និងអគារប្រមូលផ្តុំកសិផល ០២ខ្នង នៅឃុំទួលសូភី ស្រុកអូររាំងឪ និងឃុំនាងទើត ស្រុកតំបែរ ខេត្តត្បូងឃ្មុំ។
ជាលទ្ធផល ក្រុមការងារបានពិនិត្យឃើញថា៖
១). ម៉ាស៊ីនសូឡាបូមទឹកទាំងពីរគ្រឿង បានដំឡើងរួចរាល់ និងអាចដំណើរបាន
២). អគារប្រមូលផ្តុំកសិផលបន្លែឃុំទួលសូភី ស្រុកអូររាំងឪ និងអគារប្រមូលផ្តុំកសិផលមាន់ឃុំនាងទើត ស្រុកតំបែរ បានអនុញ្ញាតឱ្យកសិករប្រើប្រាស់សម្រាប់សមាជិកបណ្តុំអាជីវកម្មនៃកម្មវិធី ASPIRE ដើម្បីងាយស្រួលដល់កសិករ ក៏ដូចជាអ្នកប្រមូលទិញផលិតផល។
សរុបរួម៖ កសិករដែលជាសមាជិកបណ្តុំអាជីវកម្ម មានចិត្តសប្បាយនឹងទទួលយកដោយចិត្តរីករាយ ហើយនិងជួយថែរក្សាសមត្ថផលជារបស់រួមក្នុងឃុំ/ស្រុករបស់គាត់។
![photo_2022-07-21_15-07-17](https://i0.wp.com/aspirekh.org/wp-content/uploads/2022/07/photo_2022-07-21_15-07-17.jpg?fit=1280%2C960&ssl=1)
![photo_2022-07-21_15-07-18](https://i0.wp.com/aspirekh.org/wp-content/uploads/2022/07/photo_2022-07-21_15-07-18.jpg?fit=1280%2C853&ssl=1)
![photo_2022-07-21_15-07-20](https://i0.wp.com/aspirekh.org/wp-content/uploads/2022/07/photo_2022-07-21_15-07-20.jpg?fit=1280%2C853&ssl=1)
![photo_2022-07-21_15-07-23](https://i0.wp.com/aspirekh.org/wp-content/uploads/2022/07/photo_2022-07-21_15-07-23.jpg?fit=1280%2C853&ssl=1)
![photo_2022-07-21_15-07-22](https://i0.wp.com/aspirekh.org/wp-content/uploads/2022/07/photo_2022-07-21_15-07-22.jpg?fit=1280%2C853&ssl=1)
![photo_2022-07-21_15-07-19](https://i0.wp.com/aspirekh.org/wp-content/uploads/2022/07/photo_2022-07-21_15-07-19.jpg?fit=1280%2C853&ssl=1)
![photo_2022-07-21_15-09-42](https://i0.wp.com/aspirekh.org/wp-content/uploads/2022/07/photo_2022-07-21_15-09-42.jpg?fit=1280%2C853&ssl=1)