Agriculture Services Programme for an Inclusive Rural Economy and Agricultural Trade
ការចុះត្រួតពិនិត្យផលិតផលរបស់សមាជិកបណ្តុំអាជីវកម្ម របស់ក្រុមការងារកម្មវិធី ASPIRE | ខេត្តបាត់ដំបង

ការចុះត្រួតពិនិត្យផលិតផលរបស់សមាជិកបណ្តុំអាជីវកម្ម របស់ក្រុមការងារកម្មវិធី ASPIRE | ខេត្តបាត់ដំបង

 

កម្មវិធី ASPIRE ខេត្តបាត់ដំបង

 

នាថ្ងៃអង្គារ ៦រោច ខែអាសាឍ ឆ្នាំខាល ចត្វាស័ក ពស.២៥៦៦ ត្រូវនឹងថ្ងៃទី១៩ ខែកក្កដា ឆ្នាំ២០២២ អនុកម្មវិធី ASPIRE នៃមន្ទីរកសិកម្ម រុក្ខាប្រមាញ់ និងនេសាទ ខេត្តបាត់ដំបងមានសកម្មភាពដូចខាងក្រោម៖

១)-មន្ត្រីបច្ចេកទេសថ្នាក់ខេត្ត ទីប្រឹក្សា និងស្រុកបវេល ឯកភ្នំ នៃអនុកម្មវិធី ASPIRE បានចុះប្រជុំជាមួយសមាជិកបណ្តុំ ដើម្បីពង្រឹងការគ្រប់គ្រង និងផ្សព្វផ្សាយទីតាំងអគារប្រមូលផ្តុំកសិផលកសិកម្ម។ ដែលមានអ្នកចូលរួម គណៈកម្មការគ្រប់គ្រងអគារប្រមូលផ្តុំកសិផល និង សមាជិកបណ្តុំចូលរួមចំនួន ៤៤នាក់ ស្រី ២៤នាក់ ។

២)-មន្ត្រីបច្ចេកទេសថ្នាក់ខេត្ត ទីប្រឹក្សា ប្រធានការិយាល័យកសិកម្ម ធនធានធម្មជាតិ និងបរិស្ថានស្រុក បានចុះពិនិត្យ និងសំណេះសំណាលកសិករ ដែលកំពុងដាំដុះជាកសិកម្មចម្រុះដូចជា ដាំខ្ញី ដាំស្ពៃ និងការចិញ្ចឹមទា ចិញ្ចឹមត្រីក្រហម ចិញ្ចឹមគោជាដើម។ ដោយគាត់លក់ជាប្រចាំ ខ្ញីពីដើមដៃគាត់លក់បានតម្លៃ ៥,000រៀល/គក្រ តែឥឡូវគាត់លក់បាន៣,០០០រៀល/គក្រ និងត្រីក្រហមគាត់លក់បានតម្លៃ ៥,០០០រៀល/គ្រ និងស្ពៃលក់បានតម្លៃ ១៥,០០រៀល-២០០០រៀល/គក្រ និងទាកាប៉ា លក់បានតម្លៃ ១៣,០០០រៀល/គក្រ

៣)-មន្ត្រីសម្របសម្រួលថ្នាក់ស្រុក និងភ្នាក់ងារផ្សព្វផ្សាយឃុំ ស្រុកកំរៀង បានចុះតាមដានកសិករបណ្ដុំអាជីវកម្មមាន់ ទទួលបានបន្ថែមពីការគាំទ្ររបស់គម្រោង RUSH-IT ចំនួន៣គ្រួសារ នៅភូមិលំផាត់ ឃុំអូរដា ស្រុកកំរៀង។ បញ្ហាដែលពួកគាត់ជួបគឺ មាន់កើតជំងឺផ្ដាសាយ និងជំងឺរាគ និងមន្ត្រីបានណែនាំអំពីការព្យាបាល ការការពារ និងការថែទាំនូវបច្ចេកទេសថ្មីបន្ថែម។

៤)-មន្ត្រីសម្របសម្រួលថ្នាក់ស្រុកនៃអនុកម្មវិធី ASPIRE នៃស្រុកបាណន់ បានចុះពិនិត្យអគារប្រមូលផ្តុំកសិកផល នៅភូមិមិបបុះ ឃុំឈើទាល ស្រុកបាណន់ ព្រមទាំងបានស្រង់តម្លៃបន្លែដែលបានដឹកមកលក់ឱ្យឈ្មួញកណ្តាល នៅអគារនេះមានតម្លៃដូចជា ស្ពៃក្តោប ២៤០០រៀល/គក្រ ត្រប់ស្រួយ ១២០០រៀល/គក្រ ផ្កាស្ពៃពណ៌ស ៤៣០០រៀល/គក្រ ស្លឹកគ្រៃ៥០០រៀល/គក្រ ពពាយ ៤០០០រៀល/គក្រត្រសក់ស្រូវ ៨០០រៀល/គក្រ។

 

 

Leave a Reply

Your email address will not be published.