ការចុះត្រួតពិនិត្យបណ្តុំអាជីវកម្មចិញ្ចឹមត្រី-កង្កែប របស់ក្រុមការងារ ASPIRE និងការដោះស្រាយពីបញ្ហាប្រឈម | ខេត្តស្វាយរៀង
កម្មវិធី ASPIRE ខេត្តស្វាយរៀង៖
នាថ្ងៃអង្គារ ៦រោច ខែអាសាឍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១៩ ខែកក្កដា ឆ្នាំ២០២២ រួមដំណើរជាមួយមន្រ្តីការិយាល័យគ្រឿងយន្តកសិកម្ម បានចុះត្រួតពិនិត្យបណ្តុំអាជីវកម្មចិញ្ចឹមត្រី-កង្កែប នៅភូមិខួច ឃុំក្រោលគោ ស្រុកស្វាយជ្រុំ ខេត្តស្វាយរៀង។
បណ្តុំអាជីវកម្មចិញ្ចឹមត្រី-កង្កែបនេះ បានបង្កើត និងគាំទ្រដោយកម្មវិធី ASPIRE ក្នុងឆ្នាំ២០១៩ ដែលមានសមាជិក ៤៨ (ស្រី-១៣)នាក់។ ក្រោយចិញ្ចឹមត្រីបាន១ឆ្នាំកសិករ នាង សេង បានផ្លាស់មកចិញ្ចឹមកង្កែបវិញ ព្រោះថាកង្កែប មានតម្រូវការទីផ្សារជាងនៅឃុំរបស់គាត់។ សព្វថ្ងៃកសិករ នាង សេង មានកង្កែបមេបាពូជចំនួន ៨០គូរ កូនកង្កែបប្រហែល ១០០០ក្បាល មិនទាន់ដល់អាយុលក់ចេញនៅឡើយ និងកង្កែបសាច់ប្រហែល ៥០០ក្បាល។ កង្កែបសាច់មាន៤ក្បាលទម្ងន់ស្មើនឹង១គីឡូក្រាម និងលក់បានថ្លៃ១២០០០ រៀល/១គីឡូក្រាម។
កសិករ នាង សេង បានប្រាប់ថា កន្លងមកគាត់លក់កូនកង្កែបបាន ២៣,០០០ក្បាល ក្នុងតម្លៃ៥០០រៀលក្នុងកូនកង្កែប១ក្បាល អោយអ្នកភូមិឃុំនានា នៅក្នុងស្រុកស្វាយជ្រុំជាមួយគាត់។ ពេលនេះគាត់មានជួបបញ្ហា កូនកង្កែបងាប់ដោយសារហើមពោះ ដោយតាមការពិនិត្យ និងការស្វែងយល់ពីមូលហេតុ ឃើញថាកង្កែបរបស់គាត់កើតជំងឺហើមពោះងាប់នេះដោយសារការអោយចំណីច្រើនហួសប្រមាណ។ ចំណីដែលកង្កែបស៊ីមិនអស់បានរលាយរលួយធ្វើអោយទឹកកខ្វក់ដែលបណ្តាលអោយកង្កែបកើតជំងឺហើមពោះងាប់។ ក្រុមការងារបានណែនាំកសិករអោយបន្ថយចំណីកង្កែប កុំអោយច្រើនហួសតម្រូវការ ដែលវាត្រូវស៊ីក្នុងមួយពេលៗ និងត្រូវសំអាតអាងដូរទឹកថ្មីអោយបានញឺកញាប់ ទើបកង្កែបមានសុខភាពល្អ និងឆាប់ធំធាត់។
![photo_2022-07-19_16-09-44](https://i0.wp.com/aspirekh.org/wp-content/uploads/2022/07/photo_2022-07-19_16-09-44.jpg?fit=1280%2C960&ssl=1)
![photo_2022-07-19_16-09-45](https://i0.wp.com/aspirekh.org/wp-content/uploads/2022/07/photo_2022-07-19_16-09-45.jpg?fit=1280%2C960&ssl=1)
![photo_2022-07-19_16-09-48 (2)](https://i0.wp.com/aspirekh.org/wp-content/uploads/2022/07/photo_2022-07-19_16-09-48-2.jpg?fit=1280%2C960&ssl=1)
![photo_2022-07-19_16-09-48](https://i0.wp.com/aspirekh.org/wp-content/uploads/2022/07/photo_2022-07-19_16-09-48.jpg?fit=1280%2C960&ssl=1)
![photo_2022-07-19_16-09-50](https://i0.wp.com/aspirekh.org/wp-content/uploads/2022/07/photo_2022-07-19_16-09-50.jpg?fit=1280%2C960&ssl=1)
![photo_2022-07-19_16-09-55](https://i0.wp.com/aspirekh.org/wp-content/uploads/2022/07/photo_2022-07-19_16-09-55.jpg?fit=960%2C1280&ssl=1)
![photo_2022-07-19_16-09-57](https://i0.wp.com/aspirekh.org/wp-content/uploads/2022/07/photo_2022-07-19_16-09-57.jpg?fit=1280%2C960&ssl=1)
![photo_2022-07-19_16-09-59](https://i0.wp.com/aspirekh.org/wp-content/uploads/2022/07/photo_2022-07-19_16-09-59.jpg?fit=1280%2C960&ssl=1)