កម្មវិធី ASPIRE-AT ខេត្តកំពត៖

——————-

ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្តកំពត បានរៀបចំមហាសន្និបាតកំណើតដំបូងសហគមន៍កសិកម្ម នៅភូមិត្រពាំងល្បើក ឃុំត្រពាំងបី ស្រុកឈូក ដែលមានសមាសភាពចូលរួម ដូចមានខាងក្រោម៖

-លោក សំ សុវណ្ណា អនុប្រធានមន្ទីរ និងជាប្រធានគ្រប់គ្រងកម្មវិធី ASPIRE-AT ខេត្តកំពត

-លោក ហែម ហ៊ុយ ប្រធានការិយាល័យកសិកម្ម ធនធានធម្មជាតិ និងបរិស្ថានស្រុកឈូក

-លោកស្រី ស៊ឺម ចាន់តារា សមាជិកក្រុមប្រឹក្សាឃុំ

-លោក ជីម ង៉ុយ មន្ត្រីកសិកម្មឃុំ

-លោកមេភូមិ អនុភូមិ និងប្រជាកសិករសរុប ៥៣នាក់ (ស្រី ២៩នាក់)។

+ជាលទ្ធផល៖

-បានបោះឆ្នោតជ្រើសរើសក្រុមប្រឹក្សាភិបាលចំនួន ៥នាក់ (ស្រី ២នាក់)

-បានបោះឆ្នោតជ្រើសរើសគណៈកម្មាធិការត្រួតពិនិត្យចំនួន ៣នាក់ (ស្រី ១នាក់)

-បានអនុម័តលើអាសយដ្ឋានរបស់សហគមន៍កសិកម្ម នៅភូមិត្រពាំងល្បើក ឃុំត្រពាំងបី ស្រុកឈូក

-បានអនុម័តឈ្មោះសហគមន៍កសិកម្មឃុំត្រពាំងបី

-បានអនុម័តប្រាក់ភាគហ៊ុន ២០០០០៛

-បានអនុម័តប្រាក់សមាជិកភាព ១០០០០៛

-បានអនុម័តលើប្រភេទមុខរបរ ទីផ្សារ (ផ្គត់ផ្គង់មាន់) និងមុខរបរឥណទានខ្នាតតូច

-អាណត្តិដឹកនាំ ៥ឆ្នាំ

-ការបែងចែកប្រាក់ភាគលាភ និងអនុលោមតាមច្បាប់សហគមន៍កសិកម្មដូចខាងក្រោម៖

*២០% សម្រាប់ទុនបម្រុង

*១៧% សម្រាប់ថ្នាក់ដឹកនាំសហគមន៍កសិកម្ម ៨រូប

*១០% មូលនិធិអភិវឌ្ឍន៍

*៣% មូលនិធិបណ្តុះបណ្តាល

*៥០% បែងចែកប្រាក់ភាគលាភ ទៅតាមប្រាក់ភាគហ៊ុនរបស់សមាជិក។

+ផែនការបន្ត៖

-រៀបចំចងក្រងឯកសារ សម្រាប់ចុះបញ្ជីទទួលស្គាល់។