កម្មវិធី ASPIRE-AT ខេត្តតាកែវ៖

——————-

ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្តតាកែវ បានរៀបចំកម្មវិធីចែករំលែកបទពិសោធន៍ និងចំណេះដឹងអំពីផលិតកម្មបន្លែ ពីកសិករនាំមុខ ទៅសមាជិកសហគមន៍កសិកម្មភូមិបីមានជ័យ នៅភូមិចំបក់ទឹម ឃុំគិរីចុងកោះ ស្រុកគិរីវង់ ដែលមានអ្នកចូលរួមសរុប ៣៥នាក់ (ស្រី ២០នាក់)។

កម្មវិធីនេះ កសិករនាំមុខបានបង្ហាញអំពីសកម្មភាពដែលបានរៀនសូត្រពីសហគមន៍កសិកម្មតាសីសាមគ្គីនៅខេត្តបាត់ដំបង ក្នុងការធ្វើជីកំប៉ុស្តិ៍គោក និងជីទឹកម្នាស់ទុំ(EM) ព្រមទាំងបានធ្វើបង្ហាញផ្ទាល់នៃការអនុវត្តធ្វើជីទាំងពីមុខនេះ ជូនដល់អ្នកចូលរួមផងដែរ។