កម្មវិធី ASPIRE-AT ខេត្តបាត់ដំបង៖

——————-

ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង បានជួបសហគមន៍កសិកម្មសិរីរបស់មង្គល នៅសាលាឃុំរបស់មង្គល ស្រុកមោងឬស្សី និងបានទៅសិក្សា វាយតម្លៃ និងជ្រើសរើសសហគមន៍កសិកម្ម ដែលមានសក្តានុពល នៅឃុំបាសាក់ ស្រុករុក្ខគិរី លើខ្សែច្រវាក់តម្លៃមាន់ស្រែ និងដាំណាំម្នាស់ ដោយមានអ្នកចូលរួមសរុប ១០នាក់ (ស្រី ០៤នាក់) រួមទាំងប្រធានការិយាល័យកសិកម្មស្រុករុក្ខគីរី  មេឃុំ/សមាជិក្រុមប្រឹក្សាឃុំ និងមន្រ្តីកសិកម្មឃុំបាសាក់។

ជាលទ្ធផលសម្រេចបានមានដូចជា៖ (១)វិញ្ញាបនបត្រ ត្រាឈ្មោះសហគមន៍កសិកម្ម ត្រាឈ្មោះប្រធានសហគមន៍ និងសៀវភៅសហគមន៍ត្រូវបានប្រគល់ជូនលោកមេឃុំ និងប្រធានសហគមន៍ និង (២)ខ្សែច្រវាក់តម្លៃមាន់ស្រែ និងដំណាំម្នាស់ នៅឃុំបាសាក់ ស្រុករុក្ខគិរី ដែលមានសក្តានុពលត្រូវបានជ្រើសរើសសម្រាប់គាំទ្រនៅឆ្នាំ២០២៥ នេះ និងបានផ្សព្វផ្សាយសង្ខេបអំពីសាវតាកម្មវិធី ASPIRE-AT ជូនអ្នកចូលរូមផងដែរ។