កម្មវិធី ASPIRE-AT ខេត្តស្ទឹងត្រែង៖

——————-

នៅថ្ងៃទី០៤ ខែធ្នូ ឆ្នាំ២០២៤ ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្តស្ទឹងត្រែង បានបើកកិច្ចប្រជុំពង្រឹងសមត្ថភាពសហគមន៍កសិកម្មដំណាំស្វាយចន្ទី និងសហគមន៍កសិកម្មមាន់ស្រែ ជូនដល់ថ្នាក់ដឹកនាំ និងសមាជិកសហគមន៍កសិកម្ម នៅឃុំអូរឬស្សីកណ្តាល ស្រុកសៀមបូក ដែលមានអ្នកចូលរួមសរុប ១៨នាក់ (ស្រី ០៦នាក់)។

លទ្ធផលនៃកិច្ចប្រជុំ៖

– បានបង្ហាញអំពីសេចក្តីរំពឹងទុក និងបានធ្វើតេស្តសមត្ថភាពមុនកិច្ចប្រជុំ

– បានធ្វើបទបង្ហាញរំលឹកមេរៀនឡើងវិញ

– បានធ្វើបទបង្ហាញអំពីភាពជាដឹកនាំ និងគ្រប់គ្រងសហគមន៍កសិកម្ម

– បានធ្វើបទបង្ហាញអំពីការរៀបចំផែនការអាជីវកម្មរបស់សហគមន៍កសិកម្ម និងប្រមូលទិន្នន័យបន្ថែម

– បានធ្វើតេស្តសមត្ថភាពក្រោយបញ្ចប់កិច្ចប្រជុំ។