by ASPIRE-AT Programmeមហាសន្និបាតកំណើតដំបូងសហគមន៍កសិកម្ម នៅភូមិស្រែសំរោង ឃុំស្រែសំរោង ស្រុកជុំគិរី ខេត្តកំពត
កម្មវិធី ASPIRE-AT ខេត្តកំពត៖
——————-
ក្រុមការងារកម្មវិធី ASPIRE-AT នៃមន្ទីរកសិកម្ម រុក្ខាប្រមាញ់ និងនេសាទខេត្ត បានសម្របសម្រួលមហាសន្និបាតកំណើតដំបូងសហគមន៍កសិកម្ម នៅភូមិស្រែសំរោង ឃុំស្រែសំរោង ស្រុកជុំគិរី ដែលមានសមាសភាពចូលរួមមាន៖ លោក ចាន់ រិទ្ធិ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពត លោក អ៊ូ រ៉ាឌី អភិបាលរងស្រុកជុំគិរី ក្រុមការងារកម្មវិធីASPIRE-AT និងទីប្រឹក្សាសម្របសម្រួលកម្មវិធី លោកប្រធានការិយាល័យកសិកម្មស្រុកជុំគិរី មន្ត្រីកសិកម្មឃុំ ក្នុងស្រុក ៣នាក់ លោកមេឃុំ មេភូមិ និងសមាជិកចូលរួមសុរប ៤២នាក់ (ស្រី ២៨នាក់)។
+គោលបំណង៖ ដើម្បីអនុម័តលើលក្ខិន្តិកៈ បទបញ្ជាផ្ទៃក្នុង និងកិច្ចការងារពាក់ព័ន្ធក្នុងសហគមន៍កសិកម្ម។
+លទ្ធផល៖
-បានបោះឆ្នោតជ្រើសរើសថ្នាក់ដឹកនាំសហគមន៍កសិកម្មចំនួន ៨នាក់ (ក្រុមប្រឹក្សាភិបាល ៥នាក់ (ស្រី ៣នាក់) និងគណៈកម្មាធិការត្រួតពិនិត្យ ៣នាក់ (ស្រី ១នាក់)
-បានអនុម័តលើអាសយដ្ឋានសហគមន៍កសិកម្ម និងឈ្មោះសហគមន៍កសិកម្ម
-បានអនុម័តលើប្រាក់សមាជិកភាព និងប្រាក់ភាគហ៊ុន
-បានអនុម័តលើប្រភេទមុខរបរ៖ ១.មុខរបរទីផ្សារ និង២.មុខរបរផ្គត់ផ្គង់
-បានអនុម័តលើការបែងចែកប្រាក់ចំណេញ ឬប្រាក់ភាគលាប ស្របតាមច្បាប់សហគមន៍កសិកម្ម
-កំណត់ ៥ឆ្នាំក្នុងមួយអណត្តិ។
