កម្មវិធី ASPIRE-AT ខេត្តព្រះវិហារ៖

——————-

ក្រុមការងារកម្មវិធី ASPIRE-AT នៃមន្ទីរកសិកម្ម រុក្ខាប្រមាញ់ និងនេសាទខេត្ត បានដឹកនាំដោយលោក ថុន សូរីតា អនុប្រធានមន្ទីរកសិកម្ម រុក្ខាប្រមាញ់ និងនេសាទ លោក ផេង សុវណ្ណបូព៍ា ប្រធានការិយាល័យអភិវឌ្ឍន៏សហគមន៍កសិកម្ម លោក ខេង សុវណ្ណរតនា អនុប្រធានការិយាល័យអភិវឌ្ឍន៍សហគមន៍កសិកម្ម លោក កែម វិច្ឆិកា មន្រ្តីត្រួតពិនិត្យ តាមដាន និងវាយតម្លៃ លោកស្រីប្រធានការិយាល័យកសិកម្ម ធនធានធម្មជាតិ និងបរិស្ថានស្រុកជាំក្សាន្ដ​ ព្រមទាំងទីប្រឹក្សាសម្របសម្រួលកម្មវិធី បានសម្របសម្រួលរៀបចំមហាសន្និបាតកំណើតដំបូង បង្កើតសហគមន៍កសិកម្ម ជូនដល់ប្រជាកសិករ ទាំង ៦ភូមិ ក្នុងឃុំមរកត នៃស្រុកជាំក្សាន្ដ ដែលមានអ្នកចូលរួមសរុប ៩៨គ្រួសារ (ស្រី្តជាមេគ្រួសារ ៦៧គ្រួសារ)។

លទ្ធផលមហាសន្និបាតកំណើតដំបូងបានអនុម័ត ដូចខាងក្រោម៖

• កំណត់ឈ្មោះសហគមន៍កសិកម្មថា “សហគមន៍កសិកម្មមរកតមុំបី”
• បោះឆ្នោតជ្រើសរើសក្រុមប្រឹក្សាភិបាលចំនួន​ ៥រូប និងជំនួយការសហគមន៍ចំនួន ២រូប
• បោះឆ្នោតជ្រើសរើសគណៈកម្មាធិការត្រួតពិនិត្យចំនួន ៣រូប​
• កំណត់យកទីតាំងនៅភូមិសែនតេជះ ឃុំមរកត ក្នុងស្រុកជាំក្សាន្ដ ជាទីស្នាក់ការបណ្ដោះអាសន្នរបស់សហគមន៍
• មុខរបររបស់សហគមន៍មាន៖ ជំនួញទីផ្សារទិញលក់កសិផល (ចន្ទី, ដំឡូងមី, ស្រូវ, សណ្ដែកសៀង…) ផ្គត់ផ្គង់ធាតុចូលកសិកម្ម (ពូជដំណាំ, ជី, ថ្នាំកសិកម្ម)សេវាកម្មប្រើប្រាស់រួមគ្នា និងកែច្នៃកសិផល ។ល។
• អនុម័តប្រាក់ភាគហ៊ុន ៥០,០០០៛ក្នុង១ហ៊ុន និងប្រាក់សមាជិកភាព ៥,០០០៛ ក្នុងមួយគ្រួសារ អនុម័តលើលក្ខន្តិកៈ និងបទបញ្ជាផ្ទៃក្នុង
• ការបែងចែកប្រាក់ចំណេញ៖

– មូលនិធិបម្រុង ២០%

– មូលនិធិបណ្តុះបណ្តាល ៣%

– មូលនិធិទ្រទ្រង់ថ្នាក់ដឹកនាំសហគមន៍​ ២៨%

– មូលនិធិលើកទឹកចិត្ត(សមាជិក) ១%

– មូលនិធិអភិវឌ្ឍន៍មុខជំនួញ​ ១៦%

– ប្រាក់ភាគលាភ (សមាជិក) ៣០%

– មូលនិធិសង្គម និងកុមារ ២%។

ក្រុមការងារក៏បានណែនាំអំពីតួនាទីភារកិច្ចរបស់ថ្នាក់ដឹកនាំសហគមន៍ និងណែនាំអំពីការចុះបញ្ជីស្នាមចំណូលចំណាយ។