កម្មវិធី ASPIRE-AT ខេត្តរតនគិរី៖

——————-

ក្រុមការងារកម្មវិធី ASPIRE-AT នៃមន្ទីរកសិកម្ម រុក្ខាប្រមាញ់ និងនេសាទខេត្ត បានរៀបចំមហាសន្និបាតកំណើតដំបូងរបស់សហគមន៍កសិកម្ម នៅភូមិប៉ុកតូច ឃុំប៉ក់ញ៉ៃ ស្រុកអូរយ៉ាដាវ ក្នុងគោលបំណងបោះឆ្នោតជ្រើសរើសក្រុមប្រឹក្សាភិបាល និងគណៈកម្មាធិការត្រួតពិនិត្យ ព្រមទាំងអនុម័តនូវ ឈ្មោះសហគមន៍កសិកម្ម មុខរបរ តម្លៃភាគហ៊ុន ប្រាក់ចូលជាសមាជិកភាព ការបែងចែកភាគលាភ លក្ខន្តិកៈ និងបទបញ្ជាផ្ទៃក្នុងរបស់សហគមន៍។

កម្មវិធីនេះស្ថិតក្រោមអធិបតីភាព លោក ហេង ប៊ុន្នី អភិបាលស្រុកអូរយ៉ាដាវ និងលោក ញឹម គឹមជាង អនុប្រធាន មន្ទីរកសិកម្ម រុក្ខាប្រមាញ់ និងនេសាទខេត្ត និងជាប្រធានគ្រប់គ្រងកម្មវិធី ASPIRE-AT ថ្នាក់ខេត្ត និងមានការចូលរួមពីប្រធានការិយាល័យសហគមន៍កសិកម្ម  ប្រធានការិយាល័យកសិកម្ម ធនធានធម្មជាតិ និងបរិស្ថានស្រុកអូរយ៉ាដាវ លោកមេឃុំប៉ក់ញ៉ៃ ទីប្រឹក្សាសម្របសម្រួលកម្មវិធី ASPIRE-AT ថ្នាក់ខេត្ត និងក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្ត ព្រមទាំងប្រជាកសិករសរុបចំនួន ៩៣នាក់ ក្នុងនោះស្រី ៤១នាក់ និងបានលទ្ឋផលសំខាន់ៗដូចខាងក្រោម៖

*បានកំណត់ឈ្មោះសហគមន៍កសិកម្ម

*បានបោះឆ្នោតជ្រើសរើសបានក្រុមប្រឹក្សាភិបាលចំនួន ០៥រូប (ស្រ្តី ២រូប)

*បានបោះឆ្នោតជ្រើសរើសបានគណៈកម្មការត្រួតពិនិត្យចំនួន ០៣រូប (ស្រ្តី ១រូប)

*បានកំណត់យកទីតាំងសហគមន៍កសិកម្មស្ថិតក្នុងភូមិប៉ក់តូច ឃុំប៉ក់ញ៉ៃ ស្រុកអូរយ៉ាដាវ

*បានកំណត់មុខរបររបស់សហគមន៍មាន ៖ ផលិតកម្មស្វាយចន្ទី ដំឡូងមី សណ្តែកសៀង ផ្គត់ផ្គង់ធាតុចូល ទីផ្សារកសិកម្ម និងកែច្នៃផលិតផលស្វាយចន្ទី ។ល។

*បានអនុម័តប្រាក់ភាគហ៊ុន ២០,០០០៛/ហ៊ុន និងប្រាក់សមាជិកភាព ៣,០០០៛/គ្រួសារ

*ការបែងចែកប្រាក់ចំណេញសុទ្ធ៖

√មូលនិធិបម្រុង ២០%

√មូលនិធិបណ្តុះបណ្តាល៣%

√ប្រាក់លើកទឹកចិត្ត ១០%

√រដ្ឋបាល ២%

√ប្រាក់បែងចែកភាគលាភសមាជិក ៦៥%។