កម្មវិធី ASPIRE-AT ខេត្តតាកែវ៖

——————-

ក្រុមការងារកម្មវិធី ASPIRE-AT នៃមន្ទីរកសិកម្ម រុក្ខាប្រមាញ់ និងនេសាទខេត្ត រួមមានលោកស្រី គយ សុខុម ជំនួយការប្រធានគ្រប់គ្រងកម្មវិធីថ្នាក់ខេត្ត លោក អ៊ុច សេវាន្ធី មន្ត្រីទទួលបន្ទុកសហគមន៍កសិកម្ម មន្ត្រីជំនួយការ ០២រូប និងទីប្រឹក្សាសម្របសម្រួលកម្មវិធីថ្នាក់ខេត្ត បានចូលរួមមហាសន្និបាតកំណើតដំបូងសហគមន៍កសិកម្មនៅភូមិលីញ៉ា ឃុំតាភេម ស្រុកត្រាំកក់ ដោយមានអ្នកចូលរួមសរុប ១១៥នាក់ (ស្រី ៥៥នាក់)។

កម្មវិធីនេះស្ថិតក្រោមអធិបតីភាព លោក ម៉ម ថន សមាជិកក្រុមប្រឹក្សាឃុំតាភេម និងភ្ញៀវកិត្តិយសចូលរួមលោក លោកស្រី មេភូមិលីញ៉ា បាខុងខាងកើត បាខុងខាងលិច និងភូមិប្រវង់។

ជាលទ្ធផលសម្រេចបាន៖

១/ បោះឆ្នោតជ្រើសរើសក្រុមប្រឹក្សាភិបាលសហគមន៍កសិកម្មចំនួន ០៥រូប (ស្រី ០១រូប)

២/ បោះឆ្នោតជ្រើសរើសគណៈកម្មាធិការត្រួតពិនិត្យ ០៣រូប (ស្រី ០២រូប)

៣/ ឈ្មោះសហគមន៍កសិកម្មសាមគ្គីបន្លែលីញ៉ា

៤/ តម្លៃភាគហ៊ុន ៥០ ០០០រៀល

៥/ ប្រាក់សមាជិកភាព ១០ ០០០រៀល/ អាណត្តិ។