ការជួបប្រជុំពិភាក្សាស្តីពីការសិក្សាលទ្ធភាពលើការបង្កើតសហគមន៍កសិកម្មទំនើប
កម្មវិធី ASPIRE-AT ខេត្តព្រះសីហនុ៖
——————————–
ក្រុមការងារកម្មវិធី ASPIRE-AT នៃមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ រួមមាន លោក យស់ ចន្ថាណា និងលោក តឹក ជីវ៉ាយ អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ និងលោក ស៊ុម សុខា អ្នកសម្របសម្រួលកម្មវិធីប្រចាំខេត្ត បានជួបប្រជុំពិភាក្សាស្តីពីការសិក្សាលទ្ធភាពលើការបង្កើតសហគមន៍កសិកម្មទំនើប ជាមួយលោក ច័ន្ទ សុផល នៅភូមិសំរុងក្រោម ឃុំសំរុង ស្រុកព្រៃនប់ ដោយមានការចូលរួមពីអាជ្ញាធរ ភូមិ ឃុំ ប្រធានក្រុមប្រឹក្សាភិបាល និងសមាជិកសហគមន៍កសិកម្មបន្លែសុវត្ថិភាពឃុំសំរុង ដែលមានអ្នកចូលរួមសរុបចំនួន ១១នាក់ (ស្រី ១នាក់)។
កិច្ចប្រជុំនេះ មានគោលបំណងសិក្សាលទ្ធភាពលើការបង្កើតសហគមន៍កសិកម្មទំនើប និងផលិតផលបន្លែសម្រាប់ផ្គត់ផ្គង់ទីផ្សារក្នុងក្រុងព្រះសីហនុ។
បន្ទាប់ពីកិច្ចប្រជុំ ក្រុមការងារបានទៅពិនិត្យដំណាំបន្លែក្នុង និងក្រៅផ្ទះសំណាញ់របស់សមាជិកសហគមន៍កសិកម្ម នៅភូមិសំរុងក្រោម ឃុំសំរុង ស្រុកព្រៃនប់។
![photo_2024-04-03_23-27-15](https://i0.wp.com/aspirekh.org/wp-content/uploads/2024/04/photo_2024-04-03_23-27-15.jpg?fit=1280%2C853&ssl=1)
![photo_2024-04-03_23-27-13](https://i0.wp.com/aspirekh.org/wp-content/uploads/2024/04/photo_2024-04-03_23-27-13.jpg?fit=1280%2C853&ssl=1)
![photo_2024-04-03_23-27-10](https://i0.wp.com/aspirekh.org/wp-content/uploads/2024/04/photo_2024-04-03_23-27-10.jpg?fit=1280%2C853&ssl=1)
![photo_2024-04-03_23-27-16](https://i0.wp.com/aspirekh.org/wp-content/uploads/2024/04/photo_2024-04-03_23-27-16.jpg?fit=1280%2C853&ssl=1)
![photo_2024-04-04_10-12-08](https://i0.wp.com/aspirekh.org/wp-content/uploads/2024/04/photo_2024-04-04_10-12-08.jpg?fit=1280%2C853&ssl=1)