=======

លោកស្រី ទេព សុផល ភ្នាក់ងារផ្សព្វផ្សាយឃុំ ប្រចាំឃុំស្វាយអំពារ ស្រុកមុខកំពូល នៅតែបន្តចុះតាមដានការប្រមូលទិន្នផលបន្លែ របស់សមាជិកបណ្ដុំអាជីវកម្មបន្លែសុវត្ថិភាពឃុំស្វាយអំពារ ដោយបានចុះទៅតាមចម្ការរបស់សមាជិក និងបានជួបជាមួយឈ្មួញប្រមូលទិញបន្លែក្នុងឃុំស្វាយអំពារ ដែលមានទីលំនៅក្នុងភូមិថ្មី គឺលោកស្រី ឈឹម ស៊ាន់ ដែលបានប្រមូលទិញក្រៅកិច្ចសន្យា។

បន្លែលក់ឱ្យឈ្មួញ មានសរុបចំនួន ៥,០០០គីឡូក្រាម មានតម្លៃ ៩០០៛/គ.ក ដល់ ៤,៥០០៛/គ.ក សម្រាប់ ប្រភេទបន្លែដូចជា៖ ត្រឡាច, ននោង, ត្រប់វែង, ត្រប់ខ្លី, ប៉េងប៉ោះខ្មែរ, ម្ទេសដៃនាង, ត្រសក់ស្រូវ និងត្រសក់ចំណារ។