ក្រុមការងារកម្មវិធី ASPIRE នៃមន្ទីរកសិកម្ម រុក្ខាប្រមាញ់ និងនេសាទខេត្ត បានចុះបើកវគ្គផ្សព្វផ្សាយបច្ចេកទេសកសិកម្មជូនដល់សមាជិកបណ្តុំអាជីវកម្ម និងប្រជុំពិនិត្យវឌ្ឍនភាពនៃការគ្រប់គ្រងអគារប្រមូលផ្ដុំកសិផល ដែលមានសកម្មភាព ដូចជា៖

សកម្មភាពទី១៖ មន្រ្តីជំនាញការិយាល័យក្សេត្រសាស្រ្ត និងផលិតភាពកសិកម្ម នៃមន្ទីរកសិកម្ម រុក្ខាប្រមាញ់ និង នេសាទខេត្ត បានសហការជាមួយមន្រ្តីការិយាល័យកសិកម្ម ធនធានធម្មជាតិ និងបរិស្ថានស្រុក និងភ្នាក់ងារផ្សព្វផ្សាយឃុំ បានរៀបចំបើកវគ្គផ្សព្វផ្សាយបច្ចេកទេសដាំបន្លែ និងទីផ្សារ ដល់កសិករសមាជិកបណ្ដុំអាជីវកម្មបន្លែ នៅឃុំល្បាំង១ ស្រុកលំផាត់ ដែលមានអ្នកចូលរួមសរុបចំនួន ៣២នាក់ (ស្រ្តី១៨នាក់)។

សកម្មភាពទី២៖ លោកអនុប្រធានការិយាល័យផលិតកម្ម និងបសុព្យាបាល និងមន្រ្តីជំនាញ នៃមន្ទីរកសិកម្ម រុក្ខាប្រមាញ់ និងនេសាទខេត្ត បានសហការជាមួយមន្រ្តីការិយាល័យកសិកម្ម ធនធានធម្មជាតិ និងបរិស្ថានស្រុក និងភ្នាក់ងារផ្សព្វផ្សាយឃុំ បានរៀបចំបើកវគ្គផ្សព្វផ្សាយបច្ចេកទេសចិញ្ចឹមមាន់ និងទីផ្សារ ដល់កសិករសមាជិកបណ្ដុំអាជីវកម្មចិញ្ចឹមមាន់ នៅឃុំចាអ៊ុង ស្រុកអូរជុំ ដែលមានអ្នកចូលរួមសរុបចំនួន ២២នាក់ (ស្រ្តី០៩នាក់)។

សកម្មភាពទី៣៖ មន្រ្តីជំនាញខណ្ឌរដ្ឋបាលជលផលនៃមន្ទីរកសិកម្ម រុក្ខាប្រមាញ់ និងនេសាទខេត្ត បានសហការជាមួយមន្រ្តីការិយាល័យកសិកម្ម ធនធានធម្មជាតិ និងបរិស្ថានស្រុក និងភ្នាក់ងារផ្សព្វផ្សាយឃុំ បានរៀបចំបើកវគ្គផ្សព្វផ្សាយបច្ចេកទេសចិញ្ចឹមត្រី និងទីផ្សារដល់កសិករសមាជិកបណ្ដុំអាជីវកម្មចិញ្ចឹមត្រី នៅឃុំកោះពាក្យ ស្រុកវើនសៃ ដែលមានអ្នកចូលរួមសរុបចំនួន ១៣នាក់ (ស្រ្តី០២នាក់)។

សកម្មភាពទី៤៖ ក្រុមការងារកម្មវិធី ASPIRE នៃមន្ទីរកសិកម្ម រុក្ខាប្រមាញ់ និងនេសាទខេត្ត ដឹកនាំដោយមន្រ្តីបង្គោលទីផ្សារ ចូលរួមដោយមន្រ្តីបង្គោលតាមដាន និងវាយតម្លៃ លោកប្រធានការិយាល័យក្សេត្រសាស្រ្ត និងផលិតកម្មភាពកសិកម្ម និងទីប្រឹក្សាគ្រប់គ្រងអនុកម្មវិធី បានសហការជាមួយមន្រ្តីការិយាល័យកសិកម្ម ធនធានធម្មជាតិ និងបរិស្ថានស្រុក និងភ្នាក់ងារផ្សព្វផ្សាយឃុំ បានរៀបចំកិច្ចប្រជុំពិនិត្យវឌ្ឍនភាព បញ្ហាប្រឈម និងគាំទ្រដល់គណៈកម្មការគ្រប់គ្រងអគារប្រមូលផ្ដុំកសិផល និងអ្នកពាក់ព័ន្ធ នៅភូមិ៤ ឃុំត្រពាំងច្រេស ស្រុកកូនមុំ ដែលមានអ្នកចូលរួមសរុបចំនួន ១១នាក់ (ស្រ្តី០២នាក់)។