កម្មវិធី ASPIRE-AT ខេត្តកំពង់ចាម៖

——————-

ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាម បានរៀបចំកម្មវិធីចែករំលែកចំណេះដឹង និងបទពិសោធបច្ចេកទេសចិញ្ចឹមមាន់ស្រែពីកសិកនាំមុខទៅកសិករជាសមាជិកសហគមន៍កសិកម្ម នៅភូមិស្អាង ឃុំត្រពាំងគរ ស្រុកជើងព្រៃ ដែលមានអ្នកចូលរួមសរុប ៣៨ នាក់ ក្នុងនោះមានស្រ្តី ២១ នាក់។

លោក ច្រឹក សុខហេង ជាកសិករនាំមុខក្នុងសហគមន៍កសិកម្មទ្រទ្រង់។

គោលបំណង ដើម្បីចែករំលែកចំណេះដឹង និងបទពិសោធជូនដល់សមាជិកសហគមន៍កសិកម្ម​ ស្តីពីបច្ចេកទេសចិញ្ចឹមមាន់ស្រែ​ ដែលទទួលបានពីការអនុវត្តកន្លងមក និងពីទស្សនកិច្ចសិក្សារបស់កម្មវិធី ASPIRE-AT ដែលមានរបៀបវារៈដូចខាងក្រោម៖

១-ការជ្រើសរើសទីតាំងចិញ្ចឹម

២-ការជ្រើសរើសមេបា

៣-របៀបផ្សំចំណីមាន់

៤-ការចែករំលែករបស់អ្នកប្រមូលទិញមាន់ ដែលទទួលបានតម្លៃល្អ

៥. កសិករនាំមុខ បានដឹកនាំអនុវត្តបង្ហាញអំពីរបៀបនៃលាយចំណីបង្ហាញ មានដូចជា ចំណីសម្រាប់មាន់តូច មាន់ធំ  និងបានបង្ហាញអំពីវិធីសាស្រ្តនៃការរៀបចំនិងការសម្អាតទ្រុង ការឱ្យចំណី ការចាក់វ៉ាក់សាំង និងឆ្លើយសំណួរផ្សេងៗ ដែលអ្នកចូលរួមសួរនៅទីតាំងកសិដ្ឋានចិញ្ចឹមមាន់របស់គាត់ ជាក់ស្តែង។