កម្មវិធី ASPIRE-AT ខេត្តកណ្ដាល៖

——————-

ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្តកណ្ដាល បានជួបជាមួយសមាជិកសហគមន៍កសិកម្មបន្លែចម្រុះឃុំព្រែកអំបិល នៅភូមិអន្លង់តាសេកលើ ឃុំព្រែកអំបិល ស្រុកស្អាង។

គោលបំណង ដើម្បីតាមដានការប្រើប្រាស់ថវិកាកម្ចីពីកម្មវិធី ASPIRE-AT តាមរយៈធនាគារ ARDB របស់សមាជិកសហគមន៍កសិកម្មនេះ។

១).កសិករ អូន ង៉ែត ជាសមាជិកសហគមន៍កសិកម្ម បានទទួលប្រាក់កម្ចី និងបានយកទៅពង្រីកការដាំដុះ ដោយប្រមូលផលបាន មានដូចជា៖

–  សណ្ដែកបាយ ១០០ គីទ្បូក្រាម និងលក់បាន ៥ ៥០០រៀល/គីទ្បូក្រាម បានជាទឹកប្រាក់សរុប ៥៥០ ០០០ រៀល

–  ស្ពៃក្ដោប ៤ ២០០ គីទ្បូក្រាម និងលក់បាន ១ ០០០រៀល/គីទ្បូក្រាម បានជាទឹកប្រាក់សរុប ៤ ២០០ ០០០ រៀល

–  សាលាដ (១៥អា) ៣ ០០០ គីទ្បូក្រាម និងលក់បាន ២ ០០០រៀល/គីទ្បូក្រាម បានជាទឹកប្រាក់សរុប ៦ ០០០ ០០០ រៀល

–  ខ្ទឹមស្លឹក និងស្ពៃជ្រក់ កំពុងនៅដំណាក់កាលលូតលាស់ ហើយនឹងអាចប្រមូលផល នាខែមេសា ខាងមុខនេះ។

២).កសិករ ស្រិ ស្រូ ជាកសិករនាំមុខក្នុងសហគមន៍កសិកម្ម ដែលទទួលបានប្រាក់កម្ចី ដោយបាននឹងកំពុងដាំដុះដំណាំ រួមមាន៖ ត្រាវមើម និងខ្ទឹមស្លឹក គ្រោងនឹងប្រមូលផលនៅខែមេសា ខាងមុខនេះ ផងដែរ។