កម្មវិធី ASPIRE-AT ខេត្តស្វាយរៀង៖

——————-

ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្តស្វាយរៀង បានសម្របសម្រួលកម្មវិធីចែករំលែកបទពិសោធន៍ពីកសិករទៅកសិករ (F2F) របស់កសិករនាំមុខ លោក អិន ថុន ប្រធានសហគមន៍កសិកម្ម សាមគ្គីស្វាយធំ នៅភូមិពពារ ឃុំស្វាយធំ ស្រុកស្វាយជ្រំ ដែលមានអ្នកចូលរួមសរុប ២៥នាក់ (ស្រី ១៨នាក់)។

កម្មវិធីនេះផ្ដោតសំខាន់ទៅលើផលិតកម្មដំណាំបន្លែ ដែលមានចំណុចដូចខាងក្រោម៖

១-ការជ្រើសរើសពូជដំណាំ

២-ការរៀបចំដី

៣-ការបណ្តុះកូន

៤-ការដាំ និងការថែទាំ

៥-ការគ្រប់គ្រងកត្តាចង្រៃ

៦-ការប្រមូលផល

៧-ការផលិតជីកំប៉ុស្ត និងជីទឹក (EM)។

បន្ទាប់ពីការណែនាំជាទ្រឹស្តី កសិករនាំមុខបានធ្វើបង្ហាញអំពីការផលិតជីកំប៉ុស ជីទឹក និងការរៀបចំប្រព័ន្ធដំណក់ទឹក ក្នុងផ្ទះសំណាញ់ សម្រាប់អោយអ្នកចូលរួម បានឃើញជាក់ស្តែង ដើម្បីយកទៅអនុវត្តអោយទទួលបានលទ្ធផលល្អ។