ឯកឧត្តមបណ្ឌិត មាស ពិសិដ្ឋ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ក្នុងឋានៈជានាយកកម្មវិធី “ គាំទ្រសេដ្ឋកិច្ចជនបទ និងពាណិជ្ជកម្មផលិតផលកសិកម្ម (ASPIRE-AT) ” បានដឹកនាំកិច្ចប្រជុំស្ដីពីការចាត់ចែងឱ្យមាននាយកប្រតិបត្តិសម្រាប់សហគមន៍កសិកម្មទំនើប នៅព្រឹកថ្ងៃទី៣ ខែមករា ឆ្នាំ២០២៥ នៅសាលប្រជុំលេខាធិការដ្ឋានកម្មវិធី ASPIRE-AT ។

កិច្ចប្រជុំនោះមានអ្នកចូលរួមសរុប ២៨ នាក់ (ស្រី ៥នាក់) ដែលជាថ្នាក់ដឹកនាំក្រសួងកសិកម្ម រុក្ខាប្រមាញ់ និងនេសាទ ថ្នាក់ដឹកនាំ និងមន្ត្រីនៃលេខាធិការដ្ឋានកម្មវិធី ASPIRE-AT ​ថ្នាក់ដឹកនាំមន្ទីរកសិកម្ម រុក្ខាប្រមាញ់ និងនេសាទ និងទីប្រឹក្សាខេត្តកណ្តាល តាកែវ កំពង់ឆ្នាំង​ កំពង់ធំ សៀមរាប និងខេត្តត្បូងឃ្មុំ និងប្រធានគម្រោងពិពិធកម្មកសិកម្មកម្ពុជា ។