កម្មវិធី ASPIRE-AT ខេត្តរតនគិរី៖

——————-

ក្រុមការងារកម្មវិធី ASPIRE-AT នៃមន្ទីរកសិកម្ម រុក្ខាប្រមាញ់ និងនេសាទខេត្ត បានរៀបចំមហាសន្និបាតកំណើតដំបូងរបស់សហគមន៍កសិកម្ម នៅភូមិកាចក់ ឃុំកក់ ស្រុកបរកែវ ក្នុងគោលបំណងបោះឆ្នោតជ្រើសរើសក្រុមប្រឹក្សាភិបាល និងគណៈកម្មាធិការត្រួតពិនិត្យ ព្រមទាំងអនុម័តនូវ ឈ្មោះសហគមន៍កសិកម្ម មុខរបរ តម្លៃភាគហ៊ុន ប្រាក់ចូលជាសមាជិកភាព ការបែងចែកភាគលាភ លក្ខន្តិកៈ និងបទបញ្ជាផ្ទៃក្នុងរបស់សហគមន៍ មានអ្នកចូលរួមសរុប ១០៦នាក់ (ស្រី ៤២នាក់)។

លទ្ធផលសម្រេចបានដូចខាងក្រោម៖  

– កំណត់ឈ្មោះសហគមន៍កសិកម្មថា “សហគមន៍កសិកម្មស្វាយចន្ទីភូមិកាចក់ជ្រុង”

– បោះឆ្នោតជ្រើសរើសបានក្រុមប្រឹក្សាភិបាលចំនួន ០៥រូប (ស្រី ២រូប)

– បោះឆ្នោតជ្រើសរើសបានគណៈកម្មាធិការត្រួតពិនិត្យចំនួន ០៣រូប (ស្រី ១រូប)

– កំណត់យកទីតាំងស្ថិតក្នុងភូមិកាចក់ ឃុំកក់ ជាទីស្នាក់ការបណ្ដោះអាសន្នរបស់សហគមន៍

– មុខរបររបស់សហគមន៍មាន ៖ ផលិតកម្មស្វាយចន្ទី ដំឡូងមី សណ្តែកសៀង ផ្គត់ផ្គង់ធាតុចូល ទីផ្សារកសិកម្ម និងកែច្នៃផលិតផលស្វាយចន្ទី ។ល។

– អនុម័តប្រាក់ភាគហ៊ុន ១០,០០០៛/ហ៊ុន និងប្រាក់សមាជិកភាព ២,០០០៛/គ្រួសារ

– ការបែងចែកប្រាក់ចំណេញសុទ្ធ៖

√មូលនិធិបម្រុង ២០%

√មូលនិធិបណ្តុះបណ្តាល ៣%                                                           

√ប្រាក់ទ្រទ្រង់ដឹកនាំសហគមន៍ ១៥%​​​​​​​​​​​​​​​​​ 

√មូលនិធិអភិវឌ្ឍន៍មុខជំនូញ ១០%

√មូលនិធិអភិវឌ្ឍន៍សង្គម ៥%

√ប្រាក់បែងចែកភាគលាភសមាជិក ៤៧%។