កម្មវិធី ASPIRE-AT ខេត្តរតនគិរី៖

——————-

ក្រុមការងារកម្មវិធី ASPIRE-AT នៃមន្ទីរកសិកម្ម រុក្ខាប្រមាញ់ និងនេសាទខេត្ត បានរៀបចំមហាសន្និបាតកំណើតដំបូងរបស់សហគមន៍កសិកម្ម នៅភូមិក្រឡា ឃុំប៉ូយ ស្រុកអូរជុំ ក្នុងគោលបំណងបោះឆ្នោតជ្រើសរើសក្រុមប្រឹក្សាភិបាល និងគណៈកម្មាធិការត្រួតពិនិត្យ ព្រមទាំងអនុម័តនូវ ឈ្មោះសហគមន៍កសិកម្ម មុខរបរ តម្លៃភាគហ៊ុន ប្រាក់ចូលជាសមាជិកភាព ការបែងចែកភាគលាភ លក្ខន្តិកៈ និងបទបញ្ជាផ្ទៃក្នុងរបស់សហគមន៍ មានអ្នកចូលរួមសរុប ១០២នាក់ (ស្រី ៥៦នាក់)។

លទ្ធផលសម្រេចបាន៖

– កំណត់ឈ្មោះសហគមន៍កសិកម្មថា “សហគមន៍កសិកម្មស្វាយចន្ទីភូមិក្រឡា”

-​ បោះឆ្នោតជ្រើសរើសបានក្រុមប្រឹក្សាភិបាលចំនួន ០៥រូប (ស្រី ៣រូប)

– បោះឆ្នោតជ្រើសរើសបានគណៈកម្មាធិការត្រួតពិនិត្យចំនួន ០៣រូប (ស្រី ២រូប)

– កំណត់យកទីតាំងស្ថិតក្នុងភូមិក្រឡា ឃុំប៉ូយ ជាទីស្នាក់ការបណ្ដោះអាសន្នរបស់សហគមន៍

– មុខរបររបស់សហគមន៍មាន ៖ ផលិតកម្មស្វាយចន្ទី ដំឡូងមី សណ្តែកសៀង ផ្គត់ផ្គង់ធាតុចូល ទីផ្សារកសិកម្ម និងកែច្នៃផលិតផលស្វាយចន្ទី ។ល។

– អនុម័តប្រាក់ភាគហ៊ុន ១០,០០០៛/ហ៊ុន និងប្រាក់សមាជិកភាព ២,០០០៛/គ្រួសារ

– ការបែងចែកប្រាក់ចំណេញសុទ្ធ៖

√មូលនិធិបម្រុង ២០%

√មូលនិធិបណ្តុះបណ្តាល ៣%

√ប្រាក់ទ្រទ្រង់ដឹកនាំសហគមន៍ ១៥%​​​​​​​

√មូលនិធិអភិវឌ្ឍន៍មុខជំនូញ ១០%

√មូលនិធិអភិវឌ្ឍន៍សង្គម ៥%

√ប្រាក់បែងចែកភាគលាភសមាជិក ៤៧%។