កម្មវិធី ASPIRE-AT ខេត្តរតនគិរី៖

——————-

ក្រុមការងារកម្មវិធី ASPIRE-AT នៃមន្ទីរកសិកម្ម រុក្ខាប្រមាញ់ និងនេសាទខេត្ត បានរៀបចំមហាសន្និបាតកំណើតដំបូងរបស់សហគមន៍កសិកម្ម នៅភូមិកាំ ឃុំល្អក់ ស្រុកអូរជុំ ក្នុងគោលបំណង បោះឆ្នោតជ្រើសរើសក្រុមប្រឹក្សាភិបាល និងគណៈកម្មាការត្រួតពិនិត្យ ព្រមទាំងអនុម័តនូវ ឈ្មោះសហគមន៍កសិកម្ម មុខរបរ តម្លៃភាគហ៊ុន ប្រាក់ចូលជាសមាជិកភាព ការបែងចែកភាគលាភ លក្ខន្តិកៈ និងបទបញ្ជាផ្ទៃក្នុងរបស់សហគមន៍ មានអ្នកចូលរួមសរុប ១៦១នាក់ (ស្រី ៧១នាក់)។

លទ្ធផល មានដូចខាងក្រោម៖

-កំណត់ឈ្មោះសហគមន៍កសិកម្មថា “សហគមន៍កសិកម្មស្វាយចន្ទីភូមិកាំ”

-បោះឆ្នោតជ្រើសរើសបានក្រុមប្រឹក្សាភិបាលចំនួន ០៥ រូប (ស្រ្តី ២ រូប)

-បោះឆ្នោតជ្រើសរើសបានគណៈកម្មការត្រួតពិនិត្យចំនួន ០៣ រូប (ស្រ្តី ១ រូប)

-កំណត់យកទីតាំងស្ថិតក្នុងភូមិកាំ ឃុំល្អក់ ជាទីស្នាក់ការបណ្ដោះអាសន្នរបស់សហគមន៍

-មុខរបររបស់សហគមន៍មាន៖ ផលិតកម្មស្វាយចន្ទី ដំឡូងមី សណ្តែកសៀង ផ្គត់ផ្គង់ធាតុចូល ទីផ្សារកសិកម្ម និងកែច្នៃផលិតផលស្វាយចន្ទី ។ល។

-អនុម័តប្រាក់ភាគហ៊ុន ១០,០០០៛/ហ៊ុន និងប្រាក់សមាជិកភាព ១,០០០៛/គ្រួសារ

-ការបែងចែកប្រាក់ចំណេញសុទ្ធ៖

√មូលនិធិបម្រុង ២០%

√មូលនិធិបណ្តុះបណ្តាល ៣%

√ប្រាក់ទ្រទ្រង់ដឹកនាំសហគមន៍ ១៥%​​​​

√មូលនិធិអភិវឌ្ឍន៍មុខជំនួញ ១០%

√មូលនិធិអភិវឌ្ឍន៍សង្គម ៥%

√ប្រាក់បែងចែកភាគលាភសមាជិក ៤៧% ។