កម្មវិធី ASPIRE-AT ខេត្តត្បូងឃ្មុំ៖

——————-

ក្រុមការងារកម្មវិធី ASPIRE-AT នៃមន្ទីរកសិកម្ម រុក្ខាប្រមាញ់ និងនេសាទខេត្ត បានរៀបចំមហាសន្និបាតបង្កើតសហគមន៍កសិកម្ម ស្ថិតក្នុងបរិវេណវត្តស្វាយមីង ភូមិស្វាយមីង ឃុំអំពិលតាពក ស្រុកអូររាំងឪ ក្រោមអធិបតីភាពលោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងលោក សយ រដ្ឋា អភិបាលរងស្រុកអូររាំងឪ និងមានការចូលរួមពីក្រុមការងារទទួលបន្ទុកកម្មវិធី ASPIRE-AT ប្រចាំខេត្ត លោកប្រធានការិយាល័យកសិកម្ម ធនធានធម្មជាតិ និងបរិស្ថានស្រុកអូររាំងឪ លោកមេឃុំ ជំទប់ឃុំអំពិលតាពក លោកមេភូមិ និងប្រជាពលរដ្ឋក្នុងឃុំចូលរួមសរុបចំនួន ១៦៨នាក់ (ស្រី ៧៨នាក់)។

មហាសន្និបាតនេះ មានគោលបំណងដើម្បីអនុម័តលក្ខន្តិកៈ និងបទបញ្ជាផ្ទៃក្នុងសហគមន៍កសិកម្ម ព្រមទាំងធ្វើការបោះឆ្នោតជ្រើសរើសក្រុមប្រឹក្សាភិបាល និងគណៈកម្មាធិការត្រួតពិនិត្យរបស់សហគមន៍កសិកម្ម។