ការចុះកិច្ចសន្យារវាងបណ្តុំអាជីវកម្ម ជាមួយអ្នកលក់ធាតុចូល និងអ្នកទទួលទិញនៅភូមិដូនតី ឃុំស្រង់ ស្រុកគងពិសី | ខេត្តកំពង់ស្ពឺ
កម្មវិធី ASPIRE ខេត្តកំពង់ស្ពឺ៖
===================
ពីធីចុះកិច្ចសន្យារវាងបណ្តុំអាជីវកម្មជាមួយអ្នកលក់ធាតុចូល និងអ្នកទទួលទិញ
កាលពីថ្ងៃពុធ ៥រោច ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ១៧ ខែសីហា ឆ្នាំ២០២២ នៅភូមិដូនតី ឃុំស្រង់ ស្រុកគងពិសី មានរៀបចំពិធីប្រជុំបណ្តាញទីផ្សារកសិកម្មរវាងអ្នកប្រមូលទិញ អ្នកលក់ធាតុចូលកសិកម្ម និងតំណាងបណ្តុំអាជីវកម្មចិញ្ចឹមមាន់ក្នុងសហគមន៍ព្រៃឈើ ដើម្បីរៀបចំចុះកិច្ចសន្យា ដែលរៀបចំ និងសម្របសម្រួលដោយក្រុមការងារកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ (ASPIRE) ដឹកនាំដោយលោក ឈឹម សុនា អនុប្រធានការិយាល័យផលិតកម្ម និងបសុព្យាបាល និងជាមន្រ្តីទទួលបន្ទុកអនុកម្មវិធីទី២ នៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ ដែលមានការចូលរួមពី៖
(១)-មន្រ្តីការិយាល័យផលិតកម្ម និងបសុព្យាបាលប្រចាំស្រុកគងពិសី, (២)-លោកមេភូមិដូនតី, (៣)-ភ្នាក់ងារផ្សព្វផ្សាយឃុំស្រង់, (៤)-ប្រធានបណ្តុំអាជីវកម្ម, (៥)-អ្នកផ្គត់ផ្គង់ធាតុចូល និង (៦)-អ្នកទទួលទិញកសិផល សរុបចំនួន ១៣ នាក់ (ស្រី ០៣នាក់) ។
ជាលទ្ធផលនៃកិច្ចប្រជុំពិភាក្សានេះគឺ ៖
- តំណាងបណ្តុំអាជីវកម្ម បានព្រមព្រៀងគ្នាក្នុងការទទួលទិញធាតុចូលពីលោកស្រី ធូ ឡេងហ៊ុន អ្នកលក់ធាតុចូល (សម្ភារកសិកម្ម) ស្ថិតនៅផ្សារត្រាំខ្នារ ឃុំស្នំក្រពើ ស្រុកគងពិសី ទូរស័ព្ទលេខ : 017 790 066 ។
- តំណាងបណ្តុំអាជីវកម្ម បានព្រមព្រៀងលក់កសិផលរបស់ខ្លួនជូនលោកស្រី ឡាច ស៊ីនួន មកពីភូមិរលាំងទឹក ឃុំស្រង់ ស្រុកគងពិសី ទូរស័ព្ទលេខ : 077 757 854 ។
+ សូមបញ្ជាក់ផងដែរថា កម្មវិធី ASPIRE ប្រចាំស្រុកគងពិសី បានចងក្រងបណ្តុំអាជីវកម្មសរុបចំនួន ៣២បណ្តុំ សមាជិកចំនួន ៨១៩ គ្រួសារ ( ស្ត្រី ២៤៤ គ្រួសារ ) ។ នៅក្នុងនោះមានបណ្តុំអាជីវកម្មមាន់ចំនួន ០៧បណ្តុំ មានសមាជិកសរុបចំនួន ១៦៣ គ្រួសារ ( ស្ត្រី ៣៩ គ្រួសារ ) ស្ថិតនៅក្នុងឃុំស្រង់ ឃុំស្នំក្រពើ ឃុំវាល និងឃុំព្រៃវិហារ ស្រុកគងពិសី ខេត្តកំពង់ស្ពឺ ។
![photo_2022-08-18_17-35-37 (2)](https://i0.wp.com/aspirekh.org/wp-content/uploads/2022/08/photo_2022-08-18_17-35-37-2.jpg?fit=1280%2C960&ssl=1)
![photo_2022-08-18_17-35-37 (3)](https://i0.wp.com/aspirekh.org/wp-content/uploads/2022/08/photo_2022-08-18_17-35-37-3.jpg?fit=1280%2C960&ssl=1)
![photo_2022-08-18_17-35-37](https://i0.wp.com/aspirekh.org/wp-content/uploads/2022/08/photo_2022-08-18_17-35-37.jpg?fit=1280%2C964&ssl=1)
![photo_2022-08-22_12-43-01](https://i0.wp.com/aspirekh.org/wp-content/uploads/2022/08/photo_2022-08-22_12-43-01.jpg?fit=1280%2C960&ssl=1)
![photo_2022-08-22_12-43-02](https://i0.wp.com/aspirekh.org/wp-content/uploads/2022/08/photo_2022-08-22_12-43-02.jpg?fit=1280%2C960&ssl=1)
![photo_2022-08-22_12-49-11](https://i0.wp.com/aspirekh.org/wp-content/uploads/2022/08/photo_2022-08-22_12-49-11.jpg?fit=1280%2C960&ssl=1)
![photo_2022-08-22_12-49-12](https://i0.wp.com/aspirekh.org/wp-content/uploads/2022/08/photo_2022-08-22_12-49-12.jpg?fit=960%2C720&ssl=1)
![photo_2022-08-22_12-52-08](https://i0.wp.com/aspirekh.org/wp-content/uploads/2022/08/photo_2022-08-22_12-52-08.jpg?fit=720%2C960&ssl=1)
![photo_2022-08-22_12-52-09](https://i0.wp.com/aspirekh.org/wp-content/uploads/2022/08/photo_2022-08-22_12-52-09.jpg?fit=720%2C960&ssl=1)