by ASPIRE-AT Programmeការលើកម្ពស់ការផលិតស៊ុតទា និងមាន់សាច់ របស់សមាជិកបណ្តុំអាជីវកម្មនៃកម្មវិធី ASPIRE ខេត្តឧត្តរមានជ័យ
កម្មវិធី ASPIRE ខេត្តឧត្តរមានជ័យ៖
ការលើកម្ពស់ការផលិតស៊ុតទា និងមាន់សាច់ របស់សមាជិកបណ្តុំអាជីវកម្មនៃកម្មវិធី ASPIRE
នាថ្ងៃអាទិត្យ ៥រោច ខែជេស្ឋ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១៩ ខែមិថុនា ឆ្នាំ ២០២២ ដឹកនាំដោយ លោក ឡឹក រ័ត្ន អនុប្រធានមន្ទីរ កសិកម្ម រុក្ខាប្រមាញ់ និងនេសាទ និងជាអនុប្រធាន គ្រប់គ្រង អនុកម្មវិធី ASPIRE អមដំណើរដោយមន្ត្រី បច្ចេកទេសថ្នាក់ ខេត្ត ស្រុក និងឃុំ ក្នុងគោលបំណងចុះតាមដានពិនិត្យ វាយតម្លៃ វឌ្ឍនភាព និងគាំទ្របន្តផ្តល់បច្ចេកទេសបន្ថែមលើការថែទាំ លើភាពធន់ទ្រាំទៅនឹងការប្រែប្រួលអាកាសធាតុ ទៅដល់សមាជិកបណ្ដុំអាជីវកម្មចិញ្ចឹមទា និងមាន់ស្រែ របស់សមាជិកបណ្ដុំអាជីវកម្មទា ដែលស្ថិតនៅភូមិកណ្តែក សង្កាត់សំរោង និងអាជីវកម្មចិញ្ចឹមមាន់ស្រែ ស្ថិតនៅភូមិត្របែក សង្កាត់ បុស្បូវ ក្រុងសំរោង ខេត្តឧត្តរមានជ័យ។
ជាលទ្ធផលៈ
សមាជិកបណ្ដុំអាជីវកម្ម មាន់ស្រែ និងទា បានទទួលបច្ចេកទេសថ្មីបន្ថែម និងរីករាយបន្តបង្កើតបរិមាណផលិតសាច់មាន់ និងស៊ុតទាសម្រាប់ផ្គត់ផ្គង់បម្រើឱ្យសេចក្ដីត្រូវការក្នុងស្រុកតាមរយៈកិច្ចព្រមព្រៀងរវាងកសិករផលិត និងអ្នកប្រមូលទិញ។
