ការពិសោធន៍ធ្វើតេស្តរកសារធាតុពុលលើបន្លែ ផ្លែឈើ នៅក្នុងមជ្ឈមណ្ឌលពិសោធន៍ ខេត្តកំពង់ស្ពឺ
កម្មវិធី ASPIRE ខេត្តកំពង់ស្ពឺ ៖
ការពិសោធន៍ធ្វើតេស្តរកសារធាតុពុលលើបន្លែ ផ្លែឈើ នៅក្នុងមជ្ឈមណ្ឌលពិសោធន៍ ខេត្តកំពង់ស្ពឺ
—————————————————————————-
នាព្រឹកថ្ងៃព្រហស្បតិ៍ ១០កើត ខែជេស្ឋ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៩ ខែមិថុនា ឆ្នាំ២០២២ ថ្នាក់ដឹកនាំ និងមន្ត្រីការិយាល័យក្សេត្រសាស្ត្រ និងផលិតភាពកសិកម្ម ទទួលបន្ទុកការងារវិភាគសារធាតុគីមីក្នុងបន្លែ និងផ្លែឈើ និងមានការចូលរួមរបស់ លោក ជូ សារឹម អនុប្រធានកម្មវិធី ASPIRE ខេត្តកំពង់ស្ពឺ បានរៀបចំធ្វើពិសោធន៍វិភាគគុណភាពបន្លែលើសំណាកចំនួន ០៤ ដែលក្នុងនោះមាន ៖
១). បន្លែស្ពៃក្រញាញ់ ដែលដាំដុះដោយលោក ឡុង ធៀន សមាជិកបណ្តុំអាជីវកម្មបន្លែ ភូមិអូរពង្រ ឃុំស្រង់ ស្រុកគងពិសី
២). បន្លែត្រកួន ដែលដាំដុះដោយលោក ជួប ឃៀង ប្រធានបណ្តុំអាជីវកម្មបន្លែ ភូមិដូនទិព្វ ឃុំប្រាំបីមុម ស្រុកថ្ពង
៣). ផ្លែត្រឡាច របស់ការិយាល័យក្សេត្រសាស្រ្ត និងផលិតភាពកសិកម្ម និង
៤). ផ្លែត្រប់វែង របស់ការិយាល័យក្សេត្រសាស្រ្ត និងផលិតភាពកសិកម្ម ។
ជាលទ្ធផលសម្រេចបានក្រោយពេលធ្វើវិភាគ គឺបន្លែទាំង ០៤មុខ ខាងលើ គឺជាបន្លែមានសុវត្ថិភាព មិនលើសនូវសារធាតុគីមីពុលឡើយ ។
គួរបញ្ជាក់ផងដែរថា ៖ មន្ត្រីទទួលបន្ទុកការងារវិភាគសារធាតុគីមីក្នុងបន្លែ និងផ្លែឈើ កម្មវិធី ASPIRE នៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ ចំនួន ០៣រូប បានចូលរួមវគ្គបណ្តុះបណ្តាលស្តីពី ការប្រើប្រាស់សម្ភារ (Testing Kit) និងវិភាគគុណភាពបន្លែ ផ្លែឈើ នៅមជ្ឈមណ្ឌលពិនិត្យគុណភាពបន្លែសុវត្ថិភាព ស្ថិតនៅភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល កាលពីថ្ងៃទី១០ – ១២ ខែឧសភា ឆ្នាំ២០២២ ។
![photo_2022-06-10_17-57-41](https://i0.wp.com/aspirekh.org/wp-content/uploads/2022/06/photo_2022-06-10_17-57-41.jpg?fit=1280%2C960&ssl=1)
![photo_2022-06-10_17-57-40 (4)](https://i0.wp.com/aspirekh.org/wp-content/uploads/2022/06/photo_2022-06-10_17-57-40-4.jpg?fit=960%2C1280&ssl=1)
![photo_2022-06-10_17-57-40 (3)](https://i0.wp.com/aspirekh.org/wp-content/uploads/2022/06/photo_2022-06-10_17-57-40-3.jpg?fit=1280%2C960&ssl=1)
![photo_2022-06-10_17-57-40](https://i0.wp.com/aspirekh.org/wp-content/uploads/2022/06/photo_2022-06-10_17-57-40.jpg?fit=992%2C660&ssl=1)
![photo_2022-06-10_17-57-42](https://i0.wp.com/aspirekh.org/wp-content/uploads/2022/06/photo_2022-06-10_17-57-42.jpg?fit=1280%2C796&ssl=1)
![photo_2022-06-10_17-57-41 (3)](https://i0.wp.com/aspirekh.org/wp-content/uploads/2022/06/photo_2022-06-10_17-57-41-3.jpg?fit=1280%2C720&ssl=1)
![photo_2022-06-10_17-57-41 (2)](https://i0.wp.com/aspirekh.org/wp-content/uploads/2022/06/photo_2022-06-10_17-57-41-2.jpg?fit=1280%2C720&ssl=1)