by ASPIRE-AT Programmeកម្មវិធីចែករំលែកបទពិសោធចិញ្ចឹមមាន់ ពីកសិកនាំមុខលោក អ៊ុន រ៉ាដាង ទៅកសិករជាសមាជិកសហគមន៍កសិកម្មស្រម៉រសែនជ័យ នៅខេត្តកំពង់ចាម
កម្មវិធី ASPIRE-AT ខេត្តកំពង់ចាម៖
——————-
ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាម បានរៀបចំកម្មវិធីចែករំលែកបទពិសោធចិញ្ចឹមមាន់ ពីកសិកនាំមុខលោក អ៊ុន រ៉ាដាង ទៅកសិករជាសមាជិកសហគមន៍កសិកម្មស្រម៉រសែនជ័យ នៅភូមិក្រឡាញ់ ឃុំស្រម៉រ ស្រុកជើងព្រៃ ដែលមានអ្នកចូលរួមសរុប ៤៥ នាក់ ក្នុងនោះមានស្រ្តី ២៨ នាក់។
គោលបំណង ដើម្បីចែករំលែកចំណេះដឹង និងបទពិសោធដល់សមាជិកសហគមន៍កសិកម្ម អំពីបច្ចេកទេសចិញ្ចឹមមាន់ ដែលទទួលបានពីដំណើរទស្សនកិច្ចសិក្សា នៅខេត្តតាកែវ ដោយមានរបៀបវារៈ ដូចខាងក្រោម៖
១-ការជ្រើសរើសទីតាំងចិញ្ចឹម ត្រូវជ្រើសរើសទីទួល កន្លែងដែលមិនលិចទឹក មានខ្យល់ចេញចូល
២-ការជ្រើសរើសមេបា ត្រូវយកមេបាដែលបានចាក់វ៉ាក់សាំងការពារគ្រប់គ្រាន់
៣-របៀបធ្វើវ៉ាក់សាំង (ជួសអុត ញ៉ូកាស អាសន្នរោគ…)
៤-របៀបផ្សំចំណីមាន់
៥-ការអនុវត្តជាក់ស្តែង។
កសិករនាំមុខបានរៀបចំវ៉ាក់សាំងការពារជំងឺញូកាស ជំងឺអុត ដើម្បីអនុវត្តជាក់ស្តែង និងបានអនុវត្តបង្ហាញ។ បន្ទាប់មក កសិករដទៃអនុវត្តជាបន្តបន្ទាប់ និងការរៀបចំលាយចំណីយកមកបង្ហាញ មានដូចជា មេចំណី គ្រាប់ពោតបំបែក កន្ទក់ ចុងអង្ករវីតាមីនចម្រុះ ម្ស៉ៅព្រីមិច និងបន្លែចម្រុះ។
