កម្មវិធី ASPIRE-AT ខេត្តព្រះសីហនុ៖

——————-

ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ បានដឹកនាំដោយលោក តឹក ជីវ៉ាយ អនុប្រធានមន្ទីរ និងជាប្រធានគ្រប់គ្រងកម្មវិធីថ្នាក់ខេត្ត ជួយរៀបចំផែនការអាជីវកម្ម និងផែនការផលិតកម្ម និងត្រួតពិនិត្យការអនុវត្តសកម្មភាពរបស់សហគមន៍កសិកម្មមាន់ស្រែស្ទឹងហាវ នៅឃុំអូរត្រេះ និងឃុំទំនប់រលក ស្រុកស្ទឹងហាវ ដែលមានអ្នកចូលរួមសរុប ១២នាក់ (ស្រី ២នាក់)។

+គោលបំណង៖

-រៀបចំផែនការអាជីវកម្ម និងផែនការផលិតកម្ម

-ណែនាំអំពីប្រាក់កម្ចី និងការប្រាក់ សម្រាប់សហគមន៍ និងសមាជិកសហគមន៍

-ប្រមូលព័ត៌មានទិន្នន័យដែលនៅខ្វះចន្លោះដូចជា៖ ថតរូបកសិករ និងចុចយកទីតាំង

-ជម្រុញការប្រមូលប្រាក់សមាជិកភាព និងប្រាក់ទិញភាគហ៊ុន

-ពិនិត្យវឌ្ឍនភាពនៃការអនុវត្តសកម្មភាព បញ្ហាប្រឈម និងដំណោះស្រាយ របស់សហគមន៍។

+លទ្ធផល៖

-បានពង្រាងផែនការអាជីវកម្ម និងផែនការផលិតកម្ម សម្រាប់សហគមន៍ចំនួន ១ច្បាប់

-បានណែនាំស្តីពីកម្ចីប្រាក់ និងការប្រាក់ សម្រាប់សហគមន៍ និងសមាជិកសហគមន៍ ដោយសមាជិកភាគច្រើនមានចំណាប់អារម្មណ៍ចង់ខ្ចីប្រាក់ផ្ទាល់ខ្លួន ដើម្បីយកទៅវិនិយោគក្នុងគ្រួសារ

-ថ្នាក់ដឹកនាំសហគមន៍បានឯកភាពអំពីកិច្ចសហការបន្តការប្រមូលព័ត៌មានទិន្នន័យពីសមាជិកសហគមន៍ និងផ្តល់ជូនក្រុមការងារតាមរយៈ Telegram

-ថ្នាក់ដឹកនាំសហគមន៍ទាំង ៨រូប បន្តការប្រមូលប្រាក់សមាជិកភាព និងប្រាក់ទិញភាគហ៊ុន ដើម្បីឱ្យបានគ្រប់ចំនួនតាមការអនុម័តក្នុងអង្គមហាសន្និបាតរបស់សហគមន៍

-ថ្នាក់ដឹកនាំសហគមន៍បានរាយការណ៍អំពីវឌ្ឍនភាពនៃការអនុវត្តសកម្មភាព លើកបញ្ហាប្រឈម និងចែករំលែកព័ត៌មានផ្សេងៗ ដែលបានអនុវត្តកន្លងមក។