by ASPIRE-AT Programmeកម្មវិធីចែករំលែកបទពិសោធន៍ និងចំណេះដឹងអំពីផលិតកម្មបន្លែ ពីកសិករនាំមុខឈ្មោះ យង់ លី ទៅសមាជិកសហគមន៍កសិកម្មកន្រ្ទាំងសាមី្គអភិវឌ្ឍន៍ នៅខេត្តសៀមរាប
កម្មវិធី ASPIRE-AT ខេត្តសៀមរាប៖
——————-
ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប បានសម្របសម្រួលរៀបចំកម្មវិធីចែករំលែកបទពិសោធន៍ និងចំណេះដឹងអំពីផលិតកម្មបន្លែ ពីកសិករនាំមុខឈ្មោះ យង់ លី ទៅសមាជិកសហគមន៍កសិកម្មកន្រ្ទាំងសាមី្គអភិវឌ្ឍន៍ នៅភូមិស្រិតខាងលិច ភូមិតាត្រាវ និងភូមិត្រពាំងថ្នល់ ដែលមានអ្នកចូលរួមសរុប ៧៧នាក់ (ស្រី ៧១នាក់)។
កម្មវិធីនេះ បានផ្តោតទៅលើចំណុចសំខាន់ៗ មួយចំនួនដូចខាងក្រោម៖
១-ការប្រើប្រាស់ជីគីមី និងជីធម្មជាតិ
២-របៀបធ្វើជីកំប៉ុស្តិ៍គោក
៣-របៀបលាយដីបណ្តុះកូនបន្លែ
៤-ការធ្វើថ្នាំពុលកសិកម្មពីធម្មជាតិ។
កម្មវិធីនេះ ត្រូវបានបញ្ចប់ដោយរលូន ដោយសមាជិកម្នាក់ៗ ទទួលបានចំណេះដឹងថ្មីហើយជាពិសេសនោះចាប់អារម្មណ៍លើប្រធានបទ (ការលាយដីបណ្តុះកូន ការធ្វើថ្នាំពុលធម្មជាតិ និងការធ្វើកំប៉ុស្តិ៍គោក)។ ក្រៅពីនេះ សំណូមពររបស់កសិករ គាត់ចង់ទទួលបានវគ្គបណ្តុះបណ្តាលបន្ថែមទាក់ទងនឹងបច្ចេកទេសរៀបចំតំឡើង និងការប្រើប្រាស់ប្រព័ន្ធដំណក់ទឹក។
