កម្មវិធី ASPIRE-AT ខេត្តតាកែវ៖

——————-

ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្តតាកែវ បានសម្របសម្រួលរៀបចំកម្មវិធីចែករំលែកបទពិសោធន៍ និងចំណេះដឹងអំពីផលិតកម្មបន្លែ ពីកសិករនាំមុខ នៅសហគមន៍កសិកម្មភូមិបីមានជ័យ នៅភូមិចំបក់ទឹម ឃុំគិរីចុងកោះ ស្រុកគិរីវង់ ដែលមានអ្នកចូលរួមសរុប ៣៥នាក់ (ស្រី ១០នាក់)។

នៅក្នុងកម្មវិធីនេះ កសិករនាំមុខបានបង្ហាញអំពីសកម្មភាពដែលបានរៀនសូត្រពីសហគមន៍តាសីសាមគ្គីនៅខេត្តបាត់ដំបង ដែលមានការធ្វើជីកំប៉ុស្តិ៍គោក ជីទឹកម្នាស់ទុំ (EM) និងបានអនុវត្តបង្ហាញផ្ទាល់ការធ្វើជីទាំងពីមុខនេះដល់អ្នកចូលរួមផងដែរ។