កម្មវិធី ASPIRE-AT ខេត្តសៀមរាប៖

——————-

ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប បានជួបប្រជុំជាមួយសហគមន៍កសិកម្មកសិករក្របីរៀលរីកចម្រើន នៅសាលាសង្កាត់ក្របីរៀល ក្រុងសៀមរាប។ កិច្ចប្រជុំនេះមានការចូលរួមពីលោកចៅសង្កាត់ក្របីរៀល ថ្នាក់ដឹកនាំសហគមន៍កសិកម្មកសិករក្របីរៀលរីកចម្រើន ដែលមានអ្នកចូលរួមសរុប ១២នាក់ (ស្រី ៤នាក់)។

កិច្ចប្រជុំនេះមានគោលបំណងសំខាន់ៗដូចខាងក្រោម៖

• ពង្រឹង និងគាំទ្រលើការងារដឹកនាំ និងគ្រប់គ្រងសហគមន៍
• ធ្វើបច្ចុប្បន្នភាពទិន្នន័យសមាជិក និងថ្នាក់ដឹកនាំសហគមន៍
• វាយតម្លៃសហគមន៍
• រៀបចំចងក្រងកសិករសក្តានុពល
• ជម្រាបជូនអំពីលក្ខន្តិកៈ នៃការទទួលបានឥណទានពីធនាគារអភិវឌ្ឍន៍ជនបទ និងកសិកម្ម (ARDB) ។

បន្ទាប់មក ក្រុមការងារបានទៅពិនិត្យមើលការដាំដំណាំ របស់សមាជិកសហគមន៍ និងបានណែនាំអំពីបច្ចេកទេសថែទាំ ការប្រមូលផល និងសុវត្ថិភាព។