នៅថ្ងៃទី៣០ ខែមិថុនា ឆ្នាំ២០២៥ ឯកឧត្តម មាស ពិសិដ្ឋ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជានាយកកម្មវិធី ASPIRE-AT បានអញ្ជើញជាអធិបតីដឹកនាំកិច្ចប្រជុំខាងលើ ។
សមាសភាពចូលរួមក្នុងកិច្ចប្រជុំនេះ រួមមាន៖
– ថ្នាក់ដឹកនាំ និងមន្រ្តីអគ្គនាយកដ្ឋានកសិកម្ម
– មន្ត្រីអគ្គនាយកដ្ឋានសុខភាពសត្វ និងផលិតកម្មសត្វ
– មន្ត្រីរដ្ឋបាលព្រៃឈើ
– មន្ត្រីរដ្ឋបាលជលផល
– មន្ត្រីនាយកដ្ឋានផ្សព្វផ្សាយកសិកម្ម រុក្ខាប្រមាញ់ និងនេសាទ និង
– ថ្នាក់ដឹកនាំ មន្ត្រី និងទីប្រឹក្សានៃលេខាធិការដ្ឋានកម្មវិធី ASPIRE-AT សរុបចំនួន 30 នាក់ (ក្នុងនោះ មានស្ត្រី ៤ នាក់) ។

ជាលទ្ធផល ឯកឧត្តមប្រធានអង្គប្រជុំបានបូកសរុបលទ្ធផល និងណែនាំ ៖
១) អង្គភាពសម្របសម្រួលគម្រោង (PMU) ត្រូវសួរបញ្ជាក់មន្ត្រីទទួលបន្ទុកនៃក្រសួងសេដ្ឋកិច្ច និងហិរញ្ញវត្ថុ និង ទីភ្នាក់ងារបារាំង សម្រាប់ការអភិវឌ្ឍ (AFD) អំពីលំហូរ និងការគ្រប់គ្រងថវិកា ព្រមទាំងភារកិច្ច និងពេលវេលាធ្វើសកម្មភាពរបស់ភាគី ឬ ក្រុមហ៊ុនដែលគម្រោងនឹងជួល (Contractors)
២) ត្រូវរៀបចំធ្វើសិក្ខាសាលា ស្តីពីការអនុវត្តសកម្មភាព ឆ្នាំ ២០២៥ ដោយលោក យន ទ្រី ជាអ្នកព្រាងឯកសារទស្សនទាន និងបទបង្ហាញស្តីពីសកម្មភាពជាក់លាក់ ដែលត្រូវអនុវត្ត ដោយរំលេចតួអង្គអនុវត្ត និងអ្នកពាក់ព័ន្ធ ។
៣) PMU ត្រូវធ្វើសំណើសុំថវិកាសម្រាប់ធ្វើសិក្ខាសាលាខាងលើ ដែលគួរអញ្ជើញមន្ត្រីកសិកម្មឃុំគោលដៅ មន្ត្រីក្រសួងសេដ្ឋកិច្ច និងហិរញ្ញវត្ថុ និង មន្ត្រី AFD ចូលរួមដែរ
៤) អង្គភាពជំនាញនីមួយៗត្រូវគិតគូរបណ្តើរៗអំពីសកម្មភាពដែលគួរធ្វើ ដើម្បីរួមចំណែកសម្រេចលទ្ធផលជាក់លាក់របស់គម្រោង។ អង្គភាពជំនាញនឹងលើកគំនិតនេះជូនអង្គសិក្ខាសាលាពិភាក្សា និងសម្រេច និង
៥) PMU ត្រូវស្នើសុំថវិកាដើម្បីអនុវត្តសកម្មភាព ឱ្យស្របតាមស្មារតីនៃសិក្ខាសាលាខាងលើ ។