Author: ASPIRE

នាថ្ងៃអង្គារ ១១កើត ខែភទ្របទ ឆ្នាំខាល ចត្វាស័ក ព .ស ២៥៦៦ ត្រូវនឹងថ្ងៃទី០៦ ខែ កញ្ញា ឆ្នាំ២០២២ លោក រុន សុផាន់ណារ៉ា អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងលោក ពិល  ឆៃយ៉ា មន្រ្តីការិយាល័យផ្សព្វផ្សាយកសិកម្ម សហការជាមួយលោក អ៊ុក បូរម មន្រ្តីការិយាល័យធនធាន ធម្មជាតិ និងបរិស្ថានស្រុកមង្គលបូរី  បាននាំយកសម្ភារផ្គត់ផ្គង់អគារប្រមូលផ្ដុំកសិផល របស់កម្មវិធី ASPIRE ផ្ដល់ជូនដល់សមាជិកបណ្ដុំអាជីវកម្មបន្លែសុវត្ថិភាពភ្នំប្រាសាទ ភូមិភ្នំប្រាសាទ ឃុំអូរប្រាសាទ ស្រុកមង្គលបូរី  ដើម្បីទុកប្រើប្រាស់ជាប្រយោជន៍រួមក្នុងបណ្ដុំអាជីវកម្មបន្លែ..

នៅថ្ងៃចន្ទ ១០កើត ខែ ភទបទ្រ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី០៥ ខែកញ្ញា ឆ្នាំ២០២២ ក្រុមការងារខណ្ឌរដ្ឋបាលជលផល រួមជាមួយលោក ម៉ែន វណ្ណៈ អ្នកសម្របសម្រួលថ្នាក់ខេត្ត បានចុះសម្របសម្រួលកិច្ចប្រជុំការត្រួតពិនិត្យ និងវាយតម្លៃនៃការអនុវត្តកសិកម្ម ជាមួយសមាជិកបណ្តុំអាជីកម្មត្រីអណ្តែង នៅភូមិបត់ត្រាច-ឬស្សីតាម៉ាន់ ឃុំបឹងបត់កណ្តោល ស្រុកបាកាន ខេត្តពោធិ៍សាត់

រសៀលថ្ងៃអាទិត្យ ទី0៤  ខែកញ្ញា ឆ្នាំ២០២២ លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត បានចុះសួរសុខទុក្ខ និងពិនិត្យស្ថានភាពការដាំដុះដំណាំបន្លែរបស់កសិករ ពោន ថា ទូរស័ព្ទលេខ ០៩៧ ៣៣៣  ៨៦ ៣៣ នៅភូមិស្មោញ ឃុំល្ងៀង ស្រុកត្បូងឃ្មុំ ខេត្តត្បូងឃ្មុំ ដែលជាសមាជិកសហគមន៍កសិកម្មល្ងៀងមានជ័យ និងជាប្រធានបណ្តុំអាជីវកម្មបន្លែសុវត្ថិភាពស្មោញ បានដាំដំណាំចម្រុះ រួមមានត្រសក់ ននោង និងត្រឡាច លើផ្ទៃដីតែមួយ ហើយកំពុងប្រមូលផល..

ថ្ងៃអាទិត្យ៩កើត ខែភទ្របទ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០៤ ខែកញ្ញា ឆ្នាំ២០២២ អនុកម្មវិធីASPIRE នៃមន្ទីកសិកម្ម រុក្ខាប្រមាញ់ និងនេសាទ ខេត្តបាត់ដំបង ដឹកនាំដោយលោក អ៊ិន សុវណ្ណមុន្នី និងលេខាធិការដ្ឋានកម្មវិធី ASPIRE នៃក្រសួងកសិកម្ម រុក្ខាប្រមាញ់ និងនេសាទ ដឹងនាំដោយលោក វង្ស ទ្រី បាននាំក្រុមបេសកកម្មរបស់មូលនិធិអន្តរជាតិសម្រាប់អភិវឌ្ឍន៍កសិកម្ម (IFAD) បានជួបពិភាក្សា និងសំណេះសំណាលជាមួយសមាជិកបណ្តុំអាជីវកម្មចិញ្ចឹមមាន់ នៅភូមិស្នឹងលិច ឃុំស្នឹង ស្រុកបាណន់ គោលបំណងសិក្សាស្វែងយល់អំពីបណ្តុំដែលបង្កើត គាំទ្រដោយកម្មវិធី ASPIRE ដើម្បីពិនិត្យ និងរៀបចំរបាយការណ៍បញ្ចប់នៃកម្មវិធី ASPIRE

ក្រុមការងារកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ (ASPIRE) ដឹកនាំដោយលោក ជូ សារឹម អនុប្រធានគ្រប់គ្រងអនុកម្មវិធីថ្នាក់ខេត្ត និងជាប្រធានការិយាល័យអភិវឌ្ឍន៍សហគមន៍កសិកម្ម នៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ បានចុះពិនិត្យតាមដាន ពីវឌ្ឍនភាពកសិករនៃសមាជិកបណ្តុំអាជីវកម្មបន្លែ និងស្រូវ នៅឃុំវាលពង់ ស្រុកឧដុង្គ

ថ្ងៃសៅរ៍ ៨កើត ខែភទ្របទ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០៣ ខែកញ្ញា ឆ្នាំ២០២២ ក្រុមការងារទទួលបន្ទុកកម្មវិធី ASPIRE ដឹកនាំដោយលោក អ៊ិន សុវណ្ណមុន្នី និងលេខាធិការដ្ឋានកម្មវិធី ASPIRE នៃក្រសួងកសិកម្ម រុក្ខាប្រមាញ់ និងនេសាទ បានដឹកនាំក្រុមបេសកកម្មរបស់មូលនិធិអន្តរជាតិសម្រាប់អភិវឌ្ឍន៍កសិកម្ម (IFAD) បានចុះជួបពិភាក្សាសំណេះសំណាលជាមួយសមាជិកបណ្តុំអាជីវកម្មបន្លែ ភូមិសំបុកអក ឃុំកំពង់ព្រៀង ស្រុកសង្កែ ដើម្បីសិក្សាស្វែងយល់អំពីសមាជិកបណ្តុំដែលបានបង្កើត គាំទ្រដោយកម្មវិធី ASPIRE ក្នុងការពិនិត្យ និងរៀបចំរបាយការណ៍បញ្ចប់នៃកម្មវិធី ASPIRE..

នៅថ្ងៃទី ០២ ខែកញ្ញា ឆ្នាំ២០២២ លោកឯក សម្បត្តិ ភ្នាក់ងារផ្សព្វផ្សាយឃុំរំលេច ស្រុកបាកាន និងក្រុមការងារ អនុវត្តកម្មវិធីថ្នាក់ស្រុក បានចុះត្រួតពិនិត្យ និងសង្កេតការផលិតបន្លែសុវត្ថិភាពក្នុងផ្ទះសំណាញ់ របស់កសិករ ម៉េន សាមឿត ភេទប្រុស និងប្រពន្ធឈ្មោះ ខន ស្រីពេជ្រ ស្ថិតនៅភូមិកំពង់ក្ដី ឃុំរំលេច ស្រុកបាកាន ដែលបានពង្រីកផ្ទះសំណាញ់ ពីរខ្នងបន្ថែម ដោយពួកគាត់យល់ច្បាស់ពីអត្ថប្រយោជន៍ការដាំដុះបន្លែក្នុងផ្ទះសំណាញ់ | ខេត្តពោធិ៍សាត់

នៅថ្ងៃព្រហស្បតិ៍ ៦កើត ខែភទ្របទ ឆ្នាំខាល ចត្វាស័ក ព.ស២៥៦៦ ត្រូវនឹង ថ្ងៃទី ១ ខែ កញ្ញា ឆ្នាំ ២០២២ រួមជាមួយមន្ទីរកសិកម្ម រុក្ខាប្រមាញ់ និងនេសាទ ខេត្តប៉ៃលិន បានសហការជាមួយនាយកដ្ឋានការពារដំណាំ អនាម័យ និងភូតគាមអនាម័យ នៃអគ្គនាយកដ្ឋានកសិកម្មរៀបចំបើកវគ្គបណ្តុះបណ្តាល ស្តីពីការអនុវត្តកសិកម្មល្អកម្ពុជា (CamGAP) ដល់កសិករម្ចាស់ចម្ការ អ្នកដាំដុះ និងអ្នកប្រមូលទិញ ផ្លែស្វាយ និងផ្លែមៀនប៉ៃលិន ក្រោមអធិបតីភាពលោក សាយ សុផាត ប្រធានមន្ទីរកសិកម្ម រុក្ខាប្រមាញ់ និងនេសាទ និងលោក លន់ វន្នី តំណាង អគ្គនាយកដ្ឋានកសិកម្ម...

ថ្ងៃព្រហស្បតិ៍ ៦កើត ខែភទ្របទ ឆ្នាំខាល ចត្វាស័ក ព .ស ២៥៦៦ ត្រូវនឹងថ្ងៃទី០១ ខែ កញ្ញា ឆ្នាំ២០២២ ក្រុមការងារទទួលបន្ទុកកម្មវិធី មន្ត្រីការិយាល័យអភិវឌ្ឍន៍សហគមន៍កសិកម្ម សហការជាមួយភ្នាក់ងារផ្សព្វផ្សាយឃុំ បានចុះផ្សព្វផ្សាយគោលគំនិតការបង្កើតសហគមន៍កសិកម្ម និងទស្សនៈទាន និងច្បាប់របស់សហគមន៍កសិកម្ម(ជំហាន១) ដល់បណ្ដុំអាជីវកម្មចិញ្ចឹមជ្រូក និងការដាំដុះបន្លែ ដែលធន់ទៅនឹងការប្រែប្រួលអាកាសធាតុ នៅភូមិព្រៃវែង ឃុំគំរូ ស្រុកថ្មពួក ដែលមានអ្នកចូលរួមមានចំនួន ៤៣នាក់ ស្ត្រី ៣៦នាក់..

នាថ្ងៃព្រហស្បតិ៍ ៦កើត ខែភទ្របទ ឆ្នាំខាល ចត្វាស័ក ពុទ្ធស័ករាជ ២៥៦៦ ត្រូវនឹងថ្ងៃទី០១ ខែកញ្ញា ឆ្នាំ២០២២  លោក ប្លង់ វណ្ណជីម ប្រធានការិយាល័យកសិឧស្សាហ៍កម្ម និងមន្ត្រីបច្ចេកទេស រួមជាមួយលោក កែវ សាវ៉ាត ទីប្រឹក្សាផ្នែកគ្រប់គ្រងកម្មវិធី ASPIRE ខេត្តកំពង់ចាម បានចុះត្រួតពិនិត្យស្តីពីវឌ្ឍនភាពនៃការដាំដុះដំណាំដំឡូងមី របស់សមាជិកបណ្តុំអាជីវកម្មដំឡូងមី ដែលមានសមាជិកសរុបចំនួន ៤៨គ្រួសារ (ស្រី្ត១៣នាក់)..