Agriculture Services Programme for an Inclusive Rural Economy and Agricultural Trade
សកម្មភាពចុះត្រួតពិនិត្យវឌ្ឍនភាព និងតម្រង់ទិស នៃការអនុវត្តផែនការសកម្មភាព និងថវិកាឆ្នាំ២០២២ របស់កម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ (ASPIRE)

សកម្មភាពចុះត្រួតពិនិត្យវឌ្ឍនភាព និងតម្រង់ទិស នៃការអនុវត្តផែនការសកម្មភាព និងថវិកាឆ្នាំ២០២២ របស់កម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ (ASPIRE)

កម្មវិធី ASPIRE ខេត្តត្បូងឃ្មុំ៖

ថ្ងៃចន្ទ ១រោច ខែពិសាខ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី១៦ ខែឧសភា ឆ្នាំ២០២២

ក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ាន វណ្ណហន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាសហប្រធាន គណៈកម្មការដឹកនាំកម្មវិធី ASPIRE និង លោក ស៊ន វិចិត្រ ប្រធានលេខាធិការដ្ឋានកម្មវិធីASPIRE បានដឹកនាំក្រុមការងារកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ (ASPIRE) ចុះត្រួតពិនិត្យវឌ្ឍនភាព និងតម្រង់ទិស នៃការអនុវត្តផែនការសកម្មភាព និងថវិកាឆ្នាំ២០២២ របស់កម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ (ASPIRE) អនុវត្តដោយមន្ទីរកសិកម្មរុក្ខា ប្រមាញ់ និងនេសាទខេត្តត្បូងឃ្មុំ ដែលរួមមានកម្មវិធីដូចខាងក្រោម៖

 

សកម្មភាពការងារ៖

• បានចុះពិនិត្យ ពង្រឹង និងសំណេះសំណាលជាបណ្តុំអាជីវកម្មចិញ្ចឹមមាន់ ឃុំអំពិលតាពក ដើម្បីពិនិត្យមើលលទ្ធផលនៃការដាំដុះបន្លែសុវត្ថិភាពក្នុងផ្ទះសំណាញ់ និងការទទួលភាពរីកចម្រើនលើកសិផល របស់បណ្តុំអាជីវកម្មបន្លែឃុំទួលសូភី ក្នុងស្រុកអូររាំងឪ។

• បន្តកិច្ចប្រជុំក្រុមការងារកម្មវិធីASPIRE នៅសាលប្រជុំរបស់មន្ទីរ ដើម្បីពិនិត្យអំពីវឌ្ឍនភាពការងារ បញ្ហាប្រឈម និងការតម្រង់ទិសសម្រាប់ការអនុវត្តផែនការសកម្មភាព និងថវិកាឆ្នាំ២០២២ អោយទទួលបានផ្លែផ្កា។

ជាលទ្ធផល៖

ក្រោយពីបានស្តាប់នូវរបាយការណ៍រួចមក ឯកឧត្តម ហ៊ាន វណ្ណហន បានមានមតិកោតសរសើរចំពោះថ្នាក់ដឹកនាំមន្ទីរកសិកម្មខេត្តត្បូងឃ្មុំ ជម្រុញបន្តការអនុវត្កការងារតាមផែនការជាក់ស្តែង និងតម្រង់ទិសឱ្យស្របតាមគោលការណ៍នៃកម្មវិធី ASPIRE ។

Leave a Reply

Your email address will not be published.